Yumi Stap Bilong Litimapim Nem Bilong Jehova!

Laip em i presen i dia tumas. Taim yumi yusim dispela presen long olgeta de, dispela i soim olsem yumi tenkyu tru long dispela presen. Yumi ol Witnes Bilong Jehova, olsem na yumi wok strong long yusim save na strong bilong yumi long givim ona na glori long Jehova, em Man bilong givim laip. (Sg 36:9; Re 4:11) Tasol ol hevi bilong olgeta de inap pulim yumi na yumi no tingim ol wok lotu bilong yumi. (Mk 4:18, 19) Yumi wan wan i mas askim yumi yet olsem: ‘Mi givim bel tru long Jehova? (Ho 14:2) Mi givim bikpela haptaim long mekim wok skin na mi no tingim wok bilong Kingdom? Wanem ol mak long sait bilong bilip mi laik winim? Olsem wanem mi inap mekim bikpela wok moa long autim tok? Sapos yu luksave olsem yu mas mekim sampela senis, beten askim Jehova long helpim yu long mekim ol senis. Yu inap bilip tru olsem pasin bilong givim biknem long Jehova long olgeta de, em rot bilong i stap belgut, na stap amamas!—Sg 61:8.

LUKIM VIDIO USE YOUR TALENT FOR JEHOVAH, NA BIHAIN BEKIM OL DISPELA ASKIM:

• Bilong wanem em i no savetingting taim yumi yusim save na strong bilong yumi long mekim wok bilong dispela graun? (1 Jo 2:17)

• Ol lain husat i givim bel long mekim wok bilong Jehova bai kisim wanem ol blesing?

• Olsem wanem yu inap yusim save na strong bilong yu long mekim wok volantia?