Visen Bilong Strongim Bilip

9:1-7

Tingim hau Jisas i pilim taim Papa bilong em long heven i tokaut olsem Em i orait long Jisas long rot bilong wanpela visen. Ating dispela i bin strongim Jisas long karim ol hevi bai painim em. Dispela visen i bin strongim tru bilip bilong Pita, Jems, na Jon. Jisas em dispela Mesaia, olsem na i stret ol i mas bihainim tok bilong em. Inap 32 yia bihain, Pita i tingim yet dispela ekspiriens na dispela i strongim bilip bilong em long ol “tok profet” bai kamap bihain.—2Pi 1:16-19.

Maski yumi yet i no stap na lukim dispela visen, yumi lukim truim bilong en long nau. Jisas i mekim wok olsem wanpela strongpela King. Klostu nau em bai “winim ol pait,” na opim rot long nupela taim bai kamap we stretpela pasin tasol bai stap.—Re 6:2.

Olsem wanem truim bilong ol tok profet bilong Baibel i strongim bilip bilong yu?