Bihainim Gut Lek Mak Bilong Krais

Jisas i soim gutpela eksampel yumi ken bihainim, moa yet taim yumi bungim ol traim na ol man i birua long yumi. (1Pi 2:21-23) Maski ol man i tok bilas long Jisas na em i karim pen, em i no bekim pasin ol i mekim long em. (Mk 15:29-32) Wanem samting i helpim em long sanap strong? Em i pasim tok long bel long mekim laik bilong Jehova. (Jon 6:38) Na tu, “em i tingim amamas em bai kisim.”—Hi 12:2.

Yumi bai mekim wanem taim ol man i mekim nogut long yumi bikos yumi bilip long God? Ol Kristen tru i no save “bekim pasin nogut.” (Ro 12:14, 17) Taim yumi bihainim pasin bilong Krais long sanap strong, yumi ken amamas bikos God i orait long yumi.—Mt 5:10-12; 1Pi 4:12-14.

LUKIM VIDIO NEM BILONG JEHOVA EM BIKPELA SAMTING, NA BEKIM OL DISPELA ASKIM:

• Olsem wanem Sista Pötzingera i yusim gut taim bilong em long taim em i stap wanpis long kalabus?

• Brata na Sista Pötzinger i sanap strong na karim wanem ol hevi taim ol i bin stap long narapela narapela banis kalabus nogut?

• Wanem samting i helpim ol long sanap strong na karim hevi?