GUTPELA SAVE I KAM LONG BAIBEL | JON 5-6
Holim Stretpela Tingting na Bihainim Jisas
Taim Jisas i mekim wanpela tok piksa ol disaipel i hatwok long kliagut, sampela i lusim bilip na ol i no bihainim em moa. Long de paslain, Jisas i wokim mirakel na givim kaikai long ol, dispela i kamapim klia olsem God i givim strong long em. So bilong wanem ol i lusim bilip? Em tru olsem ol i tingim laik bilong ol yet na bihainim Jisas. Ol i bihainim Jisas bilong kisim kaikai na klos samting.
Yumi wan wan i ken askim yumi yet: ‘Bilong wanem mi bihainim Jisas? Namba 1 risen em bikos mi laik kisim blesing long nau na bihain? O bikos mi laikim Jehova na mi laik amamasim em?’
Bilong wanem yumi inap lusim bilip sapos yumi ting namba 1 risen na yumi mekim wok bilong Jehova em ol dispela samting?
Yumi amamas long stap wantaim ol manmeri bilong God
Yumi laik i stap long Paradais