Olsem Wanem? Yu Inap Lukim Ol Pasin Bilong God i Stap Hait?

Taim yu lukim plaua i gat naispela kala, skai i pulap long ol sta, o ol traipela wotafol, yu luksave long ol wok bilong Man Bilong Wokim yumi? Ol samting Jehova i wokim i kamapim ples klia ol pasin bilong em i stap hait. (Ro 1:20) Taim yumi skelim ol samting yumi lukim, yumi inap luksave long strong bilong God, pasin laikim bilong em, savetingting bilong em, na stretpela pasin bilong em, na tu, pasin bilong em long givim ol samting.—Sg 104:24.

Wanem sampela samting Jehova i wokim em yu lukim long olgeta de? Maski yu stap long taun, yu inap lukim ol pisin na ol diwai. Taim yumi lukim ol samting Jehova i wokim, dispela bai helpim yumi long kisim bel isi, putim tingting long ol bikpela samting, na strongim bilip bilong yumi olsem Jehova bai lukautim yumi inap oltaim. (Mt 6:25-32) Sapos yu gat ol pikinini, helpim ol long luksave long ol pasin bilong Jehova i nambawan tru. Taim yumi tenkyu long ol samting God i wokim, yumi bai go klostu long Man Bilong Wokim yumi.—Sg 8:3, 4.

LUKIM VIDIO OL GUTPELA SAMTING GOD I WOKIM I KAMAPIM GLORI BILONG EM—LAIT NA KALA, NA BIHAIN BEKIM OL DISPELA ASKIM:

• Olsem wanem ol samting ol i kolim pigment i helpim yumi long lukim ol kala?

• Wanem samting i mekim na sampela kala i sain stret winim ol narapela kala?

• Olsem wanem yumi inap lukim kain kain kala long skai?

• Wanem ol kala yu lukim long ol samting God i wokim i stap long hap bilong yu?

• Bilong wanem yumi mas lusim haptaim bilong skelim gut ol samting God i wokim long graun?