“God i Soim Pasin Laikim Bilong Em Long Yumi”

5:8, 18, 21

Pe bilong baim bek ol man Jehova i givim i bikpela samting bilong stretim bek nem bilong em, na bilong kamapim klia olsem em i gat rait long mekim wok bos na wok bos bilong em i nambawan tru. Na tu, pe bilong baim bek ol man i opim rot long yumi kamap pren bilong Jehova nau na ol man i harim tok bilong em ol i ken i stap oltaim.

Olsem wanem yumi ken soim tenkyu bilong yumi long dispela presen bilong baim bek man?

• 

  Taim yumi dediket na baptais yumi soim olsem yumi bilip long pe bilong baim bek man na yumi laik stap lain bilong Jehova

• 

  Taim yumi autim gutnius bilong Kingdom Bilong God yumi soim olsem yumi bihainim pasin bilong Jehova long laikim olgeta kain man.—Mt 22:39; Jon 3:16

Long wanem ol narapela rot mi inap soim olsem mi tenkyu long pe bilong baim bek ol man em Jehova i givim?