Eksampel Bilong Raitim Leta

• Yusim atres bilong yu yet. Sapos yu ting i no gutpela long yusim atres bilong yu yet, orait yu ken yusim atres bilong Haus Kingdom, tasol yu mas kisim tok orait long ol elda pastaim. Tasol yu NO KEN yusim atres bilong brens ofis.

• Raitim nem bilong dispela man sapos yu save long nem bilong em. Dispela bai givim tingting long man olsem dispela leta i no wanpela edvetaismen bilong wanpela bisnis.

• Tingim gut pasin bilong kolim ol tok, fulstop o koma samting, na spelim gut ol wed. Leta i mas klin na i luk gut. Sapos yu raitim leta long han, orait rait i mas klia na isi long ritim. Ol tok bilong leta i no mas olsem yu rait long wanpela em yu save long en o yu rait long wanpela kampani.

Dispela eksampel bilong raitim leta i kamapim klia ol dispela poin. Yu no ken kopim olgeta tok i stap long en taim yu raitim leta long wanpela long teritori bilong yu. Senisim ol tok long leta bilong yu na bai i stret long samting yu laik stori long en, na long ol samting i kamap long hap bilong yu, na i stret long pasin bilong ol manmeri long hap yu stap long en.