Kisim Skul Bilong Jehova

BILONG WANEM EM I BIKPELA SAMTING: Nambawan Bikpela Tisa, Jehova, i laik givim yumi nambawan gutpela skul. Em i skulim yumi long olsem wanem yumi ken mekim sindaun bilong yumi i kamap gutpela na redim yumi long ol samting bai kamap bihain—yumi no gat wok long baim dispela skul! (Ai 11:6-9; 30:20, 21; Re 22:17) Long rot bilong dispela skul, Jehova i givim yumi ol samting em yumi inap mekim wok long en bilong helpim ol narapela.—2Ko 3:5.

ROT BILONG MEKIM:

• Kisim pasin daun na pasin isi.​—Sg 25:8, 9

• Redi long insait long skul, kain olsem mekim tok long skul long miting namel long wik

• Putim ol mak yu laik winim long sait bilong bilip.—Fl 3:13

• Redi long lusim sampela samting bilong yu yet na bai yu ken insait long sampela skul moa.​—Fl 3:8

LUKIM VIDIO JEHOVA I GIVIM PLANTI KAIKAI BILONG BILIP NA BIHAIN BEKIM OL DISPELA ASKIM:

• Wanem sampela hatwok ol pablisa i mas winim bilong i go long Skul Bilong Ol Kingdom Evanselis?

• Skul Bilong Ol Kingdom Evanselis i save givim wanem kain trening?

• Olsem wanem ol bratasista long kongrigesen i helpim ol sumatin long nupela asainmen bilong ol?

• Wanem ol mak Kristen i mas winim bilong insait long Skul Bilong Ol Kingdom Evanselis? (kr 189)

• Wanem ol narapela skul insait long oganaisesen bilong Jehova yu ken tingting long insait long en?