Jehova Bai i Gat Wanem Tingting?

Paslain long yumi wokim ol bikpela o liklik disisen, yumi save askim yumi yet olsem, ‘Jehova bai i gat wanem tingting long dispela?’ Tru, yumi no inap save long olgeta tingting bilong Jehova, tasol long rot bilong Baibel em i kamapim tingting bilong em we inap helpim yumi long “mekim olgeta kain gutpela wok.” (2Ti 3:16, 17; Ro 11:33, 34) Jisas i klia gut long laik bilong Jehova na em i putim dispela i stap namba 1 samting long laip bilong em. (Jon 4:34) Mobeta yumi bihainim pasin bilong Jisas na wokim ol disisen we Jehova i amamas long en.—Jon 8:28, 29; Ef 5:15-17.

LUKIM VIDIO YUPELA I MAS SAVE GUT LONG LAIK BILONG JEHOVA (WK 19:18), NA BIHAIN BEKIM OL DISPELA ASKIM:

• Bilong wanem yumi mas bihainim ol stiatok bilong Baibel long sindaun bilong yumi?

• Yumi mas bihainim wanem ol stiatok bilong Baibel taim yumi laik makim musik yumi laik harim?

• Yumi mas bihainim wanem ol stiatok bilong Baibel taim yumi laik makim ol klos na bilas bilong yumi?

• Long wanem ol narapela samting yumi mas bihainim ol stiatok bilong Baibel?

• Yumi ken mekim wanem bilong kamap gutpela moa long pasin bilong yumi long luksave long laik bilong Jehova?