Poroman Wantaim Ol Man i Laikim Jehova

Bilong wanem yumi mas poroman wantaim ol man i laikim Jehova? Long wanem, ol man yumi poroman wantaim ol, ol bai helpim yumi long mekim gutpela pasin o kirapim yumi long mekim pasin nogut. (Pr 13:20) Olsem, King Joas i “mekim ol pasin i stret long ai bilong Jehova” taim em i poroman wantaim Hetpris Jehoiada. (2St 24:2) Bihain long Jehoiada i dai, Joas i givim baksait long Jehova, long wanem, em i bung wantaim ol poroman nogut.—2St 24:17-19.

Long taim bilong ol Kristen long bipo, aposel Pol i tok kongrigesen Kristen i olsem “wanpela bikpela haus” na ol Kristen i olsem “ol dis” o ol samting bilong haus. Yumi bai stap olsem “dis bilong mekim ol gutpela wok” taim yumi no poroman wantaim ol famili bilong yumi o sampela insait long kongrigesen em ol i mekim ol samting Jehova i no orait long en. (2Ti 2:20, 21) Olsem na yumi mas poroman wantaim ol man i laikim Jehova em ol i strongim yumi long lotuim em.

WATSIM VIDIO SAKIM OL POROMAN NOGUT, NA BIHAIN BEKIM OL DISPELA ASKIM:

• Long wanem ol rot yumi inap bung wantaim ol poroman nogut?

• Long vidio, wanem samting i helpim 3-pela Kristen long lusim ol poroman nogut?

• Wanem ol stiatok bilong Baibel inap helpim yu long makim ol gutpela poroman?