Wanem Samting i Bikpela Samting Long Mi?

Jekop i bin pait strong wantaim ensel na bai em i ken kisim wanpela bikpela samting—em blesing i kam long Jehova. (St 32:24-31; Ho 12:3, 4) Olsem wanem long yumi? Yumi redi long wok strong long bihainim tok bilong Jehova na kisim blesing? Olsem, sapos yumi mas makim olsem yumi bai go long miting bilong kongrigesen o mekim wok mani ovataim, bai yumi makim wanem samting? Taim yumi givim taim, strong, na ol samting yumi gat long Jehova, em bai ‘kapsaitim planti gutpela samting long yumi inap long yumi no sot long wanpela samting.’ (Mal 3:10) Em bai stiaim na lukautim yumi, na givim yumi ol samting yumi nidim.—Mt 6:33; Hi 13:5.

WATSIM VIDIO TINGIM TRU OL MAK BILONG BILIP, NA BIHAIN GIVIM OL DISPELA ASKIM:

• 

  Olsem wanem samting sista i laikim i traim bilip bilong em?

• 

  Olsem wanem wok mani yumi mekim inap traim bilip bilong yumi?

• 

  Bilong wanem Timoti i mas wok yet long putim ol mak em i laik winim maski em i kamap strong pinis long bilip?—1Ti 4:16

• 

  Olsem wanem yumi inap soim olsem yumi tingim tru wok autim tok?