Ol Yangpela i Laik Save

Olsem Wanem Mi Inap Winim Ol Mak Mi Putim?

YU LAIK kisim wanem bilong ol dispela 3-pela samting?

● Strongpela bel moa

● Sampela pren moa

● Stap amamas moa

Yu inap kisim olgeta dispela tripela samting! Olsem wanem yu inap kisim? Long rot bilong putim ol mak na winim ol. Tingim ol dispela samting.

Strongpela bel moa Taim yu putim ol liklik mak na winim ol, yu bai no pret long putim ol bikpela mak. Na yu bai no pret tu taim yu bungim ol hevi bilong wan wan de​—olsem ol wanlain i laik pulim yu. Ol narapela bai luksave olsem yu gat strongpela bel na dispela bai kirapim ol long rispektim yu. Ating sampela bai i no traim long pulim yu tumas. Ol inap kirap long laikim yu.​—Skelim Matyu 5:​14-16.

Sampela pren moa Ol manmeri i save amamas long stap klostu long ol man husat i save putim ol mak ol i laik winim​—olsem ol i save long samting ol i laikim na ol i redi long wok strong bilong kisim. Na taim ol man i laikim yu, long wanem, yu putim ol mak, planti taim ol bai sapotim yu long winim ol mak yu putim.​—Saveman 4:​9, 10.

Stap amamas moa Sapos yu no gat samting bilong mekim o yu wetim tasol sampela gutpela samting i ken kamap, bai yu no amamas tumas. Tasol taim yu putim na winim ol mak, yu bai pilim olsem yu bin inapim wanpela gutpela wok. Olsem na i gat as na wanpela Kristen bilong bipo, em aposel Pol, em i tok: “I no olsem mi ran nating.” (1 Korin 9:​26, King Jems Nupela Testamen) Na tingim, taim yu putim bikpela mak, bai yu kisim bikpela amamas taim yu inapim dispela mak!

Yu redi long kirap mekim samting? Katim na foldim pes long han sut, na bihainim ol step ol i makim.a

Bilong lukim sampela stori moa long hap “Ol Yangpela i Laik Save” long tok Inglis, lukim Web-sait www.watchtower.org/ype

[Futnot]

SAMTING BILONG TINGIM

● Yu ting yu inap putim planti tumas mak long seim taim?​—Filipai 1:​10, NW.

● Pasin bilong putim ol mak, yu ting dispela i makim olsem yu mas plenim ol samting yu mekim long olgeta minit?​—Filipai 4:​5, NW.

[Blok/Ol Piksa long pes 25]

Rot bilong winim ol mak yu putim

PUTIM MAK Sindaun 4:​25, 26 1

“No ken pret long putim ol bikpela mak. Sapos ol narapela i bin winim ol dispela mak, yu tu inap winim.”​—Roben.

1. Tingim ol mak yu inap putim. Kisim amamas long dispela! No ken skelim tumas; raitim tasol long pepa planti mak yu inap tingim. Traim long tingim 10 i go inap 20 mak.

2. Skelim ol dispela mak. Wanem bilong ol dispela mak yu gat bikpela laik long winim? Wanem mak i hatwok tru long winim? Wanem mak bai yu amamas tru long winim? Tingim, ol gutpela mak em ol mak i bikpela samting long yu.

3. Putim ol mak long oda. Pastaim putim ol mak yu inap winim insait long sampela de. Bihain putim ol mak yu inap winim insait long sampela wik o mun. Raitim ol dispela mak long oda, kirap long ol mak yu laik winim pastaim, i go inap long ol mak yu laik winim bihain.

Sampela Mak Yu Inap Putim

Pasin pren Kamap pren bilong wanpela i no wankrismas bilong mi. Kamap pren gen wantaim wanpela olpela pren.

Helt Eksasais inap 90 minit long olgeta wik. Slip inap 8-pela aua long olgeta nait.

Skul Kisim gutpela mak long matematiks. Strong long mekim stretpela pasin taim ol narapela sumatin i pulim mi long lukstil long tes.

Samting bilong spirit Ritim Baibel inap 15 minit long olgeta de. Mi mas autim bilip bilong mi long wanpela klasmeit long dispela wik.

[Piksa long pes 25]

[Piksa long pes 25]

1

Wokim Plen Sindaun 21:5 2

“Em gutpela long putim ol mak, tasol yu mas i gat plen bilong winim ol. Sapos yu no gat plen, bai yu no inap winim ol mak yu putim.”​—Derrick.

Long olgeta mak yu putim, mekim ol dispela samting:

1. Raitim mak yu laik winim.

2. Makim det yu laik winim dispela mak. Sapos yu no makim det, bai yu no winim mak!

3. Wokim plen bilong ol samting yu mas mekim.

4. Redi long ol samting inap pasim yu. Tingim rot bilong winim ol dispela samting.

5. Mekim promis. Promis long yu yet olsem yu bai traim bes bilong yu long winim dispela mak. Sainim nem na putim det.

Lainim tokples Japan bilong i go long Tokyo Julai 1

Ol step

1. Kisim tokples Japan buk.

2. Lainim 10-pela nupela tok long olgeta wik.

3. Putim yau long ol man i mekim tokples Japan.

4. Askim wanpela long skelim sapos mi bihainim stret ol lo bilong tokples na kolim stret ol tok.

Ol samting inap pasim mi

I no gat wanpela i stap klostu i save mekim tokples Japan

Rot bilong winim

Daunlodim ol rekoding long tokples Japan long www.jw.org.

․․․․․ ․․․․․

Sainim Det

Mekim Samting! Jon 13:17 3

“Em isi long lusim tingting long ol mak yu bin putim, olsem na yu mas putim tingting i go long ol mak na mekim ol samting bilong inapim ol.”​—Erika.

Kirap hariap. Askim yu yet, ‘Mi inap mekim wanem tude bilong kirap mekim ol samting bilong winim mak?’ Tru, ating yu no tingim olgeta wan wan samting yu mas mekim bilong inapim mak, tasol no ken larim dispela i stopim yu long kirap mekim ol samting. Olsem Baibel i tok, “sapos yu wetim gutpela taim bilong win na ren samting, orait bai yu no inap wokim gaden na yu no inap kisim kaikai i mau.” (Saveman 11:4) Tingim samting yu ken mekim long tude​—maski sapos em i liklik samting​—na mekim.

Skelim gen ol mak long olgeta de. Tokim yu yet wai na ol dispela mak i bikpela samting long yu. Putim tik ✔(o raitim det yu inapim wanpela step) klostu long olgeta wan wan step yu winim.

Redi long senisim plen. Maski ol plen bilong yu i gutpela, ating yu mas senisim ol taim yu wok long inapim ol mak. Tasol no ken wari. No ken strong tumas long bihainim wanpela plen. Wok yet long mekim ol samting bilong winim mak.

Mekim wok long tingting. Piksaim long tingting olsem yu winim mak yu bin putim, na pilim dispela amamas yu kisim long inapim dispela mak. Neks, tingting i go bek long ol wan wan step yu mas mekim, na piksaim long tingting dispela olgeta wan wan step. Na laspela samting, lukim yu yet i inapim olgeta wan wan step, na tingim bikpela amamas yu bai kisim taim yu winim ol mak yu putim. Kirap nau na mekim!

[Piksa]

Ol mak i olsem plen bilong haus​—yu mas wok bilong mekim ol i kamap samting tru!

[Blok/Ol Piksa long pes 25]

TOK BILONG OL WANLAIN

“Em isi long bel hevi sapos yu no gat samting bilong putim tingting i go long en o wet long en. Tasol taim yu putim ol mak na winim, yu bai amamas long yu yet.”​—Reed.

“No ken daunim yu yet sapos yu no inapim gut mak yu putim o inapim insait long haptaim yu laik inapim. Dispela i no inap helpim yu. Wok yet long traim!”​—Cori.

“Toktok wantaim ol man husat i bin winim pinis ol mak yu putim. Ol i ken kirapim tingting bilong yu na givim ol tok em inap helpim yu. Na tu, tokim famili bilong yu long ol mak yu laik winim, na bai ol i ken sapotim yu.”​—Julia.

[Diagram on page 24]

(Bilong save ol dispela rait i stap we long pes, lukim buk o magasin)

Katim long hap i gat piksa bilong sisis

Foldim