Tingim Pasin Pren Bilong Yu Wantaim Jehova i Bikpela Samting

Ol Witnes Bilong Jehova i kisim wanpela gutpela blesing tru. Yumi ol Kristen i dediket na baptais pinis, yumi wok yet long mekim ol samting bilong pas gut moa wantaim Bikpela King Jehova. Long rot bilong Pikinini bilong em, yumi inap go klostu long em. (Jon 6:44) Em i save harim ol beten bilong yumi.—Sg 34:15.

Olsem wanem yumi ken lukautim pasin pren bilong yumi wantaim God? Yumi no ken mekim ol pasin nogut em ol Israel i bin mekim. Ol i bin wokim kontrak wantaim Jehova, tasol liklik taim bihain ol i wokim wanpela bulmakau gol na lotu long en. (Ki 32:7, 8; 1Ko 10:7, 11, 14) Yumi ken askim yumi yet olsem: ‘Mi save mekim wanem taim traim i painim mi? Pasin bilong mi i soim olsem mi tingim pasin pren bilong mi wantaim Jehova i bikpela samting o nogat?’ Pasin bilong laikim tru Papa bilong yumi long heven bai helpim yumi long stap longwe long ol pasin em i heitim.—Sg 97:10.

LUKIM VIDIO LUKAUTIM PASIN PREN BILONG YU WANTAIM JEHOVA (Kl 3:5), NA BIHAIN BEKIM OL DISPELA ASKIM:

• Pasin mangal em wanem samting?

• Bilong wanem yumi mas sakim pasin gridi na pasin bilong lotuim ol imis?

• Olsem wanem pasin adaltri i wankain olsem pasin bilong lotuim ol imis?

• Bilong wanem ol man i holim ol wok insait long oganaisesen bilong God i mas tingim gut ol samting bilong poroman marit bilong ol?