Yupela Ol Yangpela—Olsem Wanem?​—Jehova Em i Pren Bilong Yupela?

Yu laik bai pren bilong yu i gat wanem kain ol pasin? Ating yu laikim ol kain pasin olsem, pasin bilong i stap gut long narapela, pasin helpim, na pasin bilong tingim ol arapela. Jehova i gat ol dispela pasin. (Ki 34:6; Ap 14:17) Em i save putim yau taim yu beten long em. Em i save helpim yu taim yu nidim helpim. (Sg 18:19, 35) Em i save fogivim ol rong bilong yu. (1Jo 1:9) Jehova em gutpela Pren tru!

Olsem wanem yu inap stap pren bilong Jehova? Kisim save long em long rot bilong ritim Baibel. Autim olgeta tingting bilong yu long em. (Sg 62:8; 142:2) Soim olsem yu tingim tru ol samting em Jehova i tingim olsem bikpela samting, kain olsem Pikinini bilong em, Kingdom bilong em, na ol tok promis bilong em long ol samting bai kamap bihain. Tokim ol arapela long em. (Lo 32:3) Sapos yu mekim ol samting bilong kamap pren bilong Jehova, em bai stap Pren bilong yu inap oltaim oltaim.—Sg 73:25, 26, 28.

LUKIM VIDIO OL YANGPELA—‘TRAIM NA LUKIM OLSEM JEHOVA I GUTPELA,’ NA BIHAIN BEKIM OL DISPELA ASKIM:

• 

  Yu ken mekim wanem bilong redi long dediket na kisim baptais?

• 

  Olsem wanem ol arapela insait long kongrigesen inap helpim yu long mekim wok bilong Jehova?

• 

  Olsem wanem wok autim tok i strongim pasin pren bilong yu wantaim Jehova?

• 

  Yu inap mekim wanem ol wok insait long wok bilong Jehova?

• Yu laikim wanem pasin bilong Jehova?