Spesel Wok Bilong Tokim Ol Man Long Kingdom Bilong God Long Novemba

Jisas i tokaut long “gutnius bilong Kingdom Bilong God.” (Lu 4:43) Em i skulim ol man tu long beten long dispela Kingdom. (Mt 6:9, 10) Long mun Novemba, yumi bai mekim spesel wok long tokim ol man long Kingdom Bilong God. (Mt 24:14) Stretim ol samting long sindaun bilong yu na bai yu inap insait long dispela wok. Ol bratasista i mekim wok painia haptaim long dispela mun i ken makim 30 o 50 aua long kisim long dispela mun.

Soim wanpela skripsa i stori long Kingdom Bilong God long ol manmeri long teritori bilong yu. Taim yu laik makim wanpela skripsa, tingim ol man long teritori i save go long wanem lotu. Sapos wanpela i gat laik long harim tok, givim em pablik Wastaua No. 2, 2020. Bihain mekim gobek kwiktaim na kirapim Baibel stadi long rot bilong yusim wanpela tul long hap Ol Tul Bilong Skulim Man. Klostu nau Kingdom Bilong God bai bagarapim olgeta gavman i birua long en. (Da 2:44; 1Ko 15:24, 25) Olsem na yumi mas insait long dispela wok bilong soim olsem yumi sapotim Jehova na Kingdom bilong em!