GUTPELA SAVE I KAM LONG BAIBEL | WOK PRIS 1-3
Wok Bilong Ol Ofa
Lo Bilong Moses i tokim ol Israel long ol i mas mekim ol ofa o sakrifais. Ol dispela ofa o sakrifais i amamasim Jehova na ol i piksa bilong ofa bilong baim bek man em Jisas i givim o ol samting em dispela ofa bilong Jisas bai kamapim.—Hi 8:3-5; 9:9; 10:5-10.
Ol animal ol i laik ofaim ol i no ken i gat sik o bagarap long skin bilong ol, olsem tasol Jisas i ofaim bodi bilong em i gutpela olgeta.—1Pi 1:18, 19
Long ofa bilong paia i kukim olgeta, ol i save ofaim animal olgeta long God, olsem tasol Jisas i givim em yet olgeta long Jehova
Ol man i mekim sakrifais bilong kamap wanbel wantaim God, ol i stap wanbel wantaim em, olsem tasol ol man God i makim, ol i insait long kisim Kaikai Bilong Bikpela olsem na ol i stap wanbel wantaim God