Skulim Man Wantaim Amamas

Amamas em samting ol narapela tu inap pilim. Taim yu amamas, man i putim yau bai amamas long harim tok. Na tu, dispela i kamapim olsem yumi tingim tru tok yumi autim. Maski yumi gat narapela narapela kalsa o pasin, yumi inap kisim pasin bilong amamas. (Ro 12:11) Hau bai yumi kisim dispela pasin?

Namba 1, tingim as na tok yu autim em i bikpela samting. Yu kisim gutpela wok tru long “autim gutnius long ol gutpela samting.” (Ro 10:15) Namba 2, tingim tingim hau gutnius inap helpim man i harim tok yu autim. Ol i nidim tru tok yu autim. (Ro 10:13, 14) Namba 3, givim bel long mekim tok, wokim han na pes bilong soim olsem yu pilim tru tok yu autim.

PILAIM VIDIO AMAMAS LONG WOK BILONG KAMAPIM DISAIPEL—MEKIM I KAMAP GUTPELA MOA—SKULIM MAN WANTAIM AMAMAS, NA BIHAIN BEKIM OL DISPELA ASKIM:

• 

  Wanem samting i pinisim amamas bilong Neeta long stadi long Baibel wantaim Jade?

• 

  Wanem samting i helpim Neeta long kisim bek amamas bilong em?

• 

  Bilong wanem yumi mas tingim ol gutpela pasin bilong ol man i harim tok?

• Pasin bilong yumi long amamas inap mekim wanem long ol Baibel sumatin na ol arapela?