Yusim Stap Amamas Oltaim! Long Autim Tok

Yumi amamas tru olsem nau yumi kisim nupela buklet na buk bilong mekim Baibel stadi! Yumi beten long Jehova i ken blesim ol wok yumi mekim bilong kamapim planti moa disaipel. (Mt 28:18-20; 1Ko 3:6-9) Hau bai yumi yusim ol dispela tul?

Dispela tul Stap Amamas Oltaim!, i gat nupela wei bilong skulim man, olsem na mekim ol dispela samting long taim yu redim na mekim ol Baibel stadi.a

• Ritim ol paragraf, na givim ol askim

• Ritim ol skripsa ol i makim bilong “ritim,” na helpim sumatin long kliagut long hau em inap bihainim tok bilong ol dispela skripsa

• Pilaim na stori long ol vidio, yusim ol askim i stap pinis

• Mekim wanpela lesen olgeta long taim bilong stadi

Long taim bilong autim tok, pastaim givim buklet long man na dispela bai helpim yu long save sapos man i gat laik long harim tok o nogat. (Lukim blok “Rot Bilong Tilim Buklet Stap Amamas Oltaim! Long Namba 1 Visit.”) Sapos yu pinisim stadi wantaim sumatin long dispela buklet na em i amamas long stadi yet, orait tilim buk na kirapim lesen 04. Sapos yu stadi pinis wantaim wanpela long buk Skulim Yumi o Stap Yet Insait Long Laikim Bilong God, yu ken senisim buk bilong stadi na yusim buk Stap Amamas Oltaim!, na tu, yu ken skelim wanem lesen yupela bai kirap stadi long en.

LUKIM VIDIO WELKAM LONG BAIBEL STADI, NA BIHAIN BEKIM OL DISPELA ASKIM:

• Ol sumatin bai kisim wanem save long dispela nupela buk?

• Wai na yu mas soim dispela vidio long ol nupela sumatin?

• Yu mas kirapim sumatin long putim wanem ol mak na winim?—Lukim sat “Bikpela Tok na Ol Mak Yu Laik Winim Long Wan Wan Seksen”