Hau Bai Ol Sista Inap Mekim Bikpela Wok Moa?

Ol sista i mekim bikpela wok bilong sapotim wok bilong Kingdom. (Sg 68:11) Ol i mekim planti Baibel stadi na planti bilong ol lain i mekim wok painia oltaim em ol sista. Planti tausen sista i givim bel long wok long Betel, mekim wok misineri, volantia long konstraksen o konstraksen sevan, na mekim wok trenslesen. Ol sista i stap strong long bilip i strongim famili na kongrigesen bilong ol. (Pr 14:1) Maski ol sista i no inap mekim wok elda o kongrigesen sevan, ol inap putim ol narapela mak bilong winim insait long kongrigesen. Sapos yu wanpela sista, yu inap mekim wanem bilong winim ol mak?

• Kisim ol gutpela pasin Kristen. —1Ti 3:11; 1Pi 3:3-6

• Helpim ol sista long kongrigesen husat i no gat planti ekspiriens.—Ta 2:3-5

• Lusim bikpela haptaim long autim tok na mekim gut wok autim tok

• Lainim narapela tokples

• Go long hap i sot long pablisa

• Pulimapim fom bilong wok long Betel o long wokim ol haus bilong mekim wok tiokratik

• Pulimapim fom bilong Skul Bilong Ol Kingdom Evanselis

PILAIM VIDIO ‘OL MERI I SAVE WOK HAT LONG MEKIM WOK BILONG BIKPELA,’ NA BIHAIN GIVIM DISPELA ASKIM:

• Olsem wanem tok bilong ol dispela sista i strongim yu?