MEKIM WOK AUTIM TOK | MEKIM AMAMAS BILONG YU LONG AUTIM TOK I GO BIKPELA
Skulim Ol Baibel Sumatin Long Mekim Gut Stadi
Bilong helpim ol Baibel sumatin long kisim sampela save moa na kamap strong long bilip, ol sumatin bilong Baibel i mas kisim sampela save moa long tok i tru, na i no long ol samting yumi stadi wantaim ol long en tasol, nogat. (Mt 5:3; Hi 5:12–6:2) Ol i mas save tu long pasin bilong mekim stadi bilong ol yet.
Kirap long taim yupela i stadi, soim ol sumatin long pasin bilong redim stadi, na kirapim ol long mekim olsem. (mwb18.03 6) Kirapim ol long beten paslain long ol i mekim stadi bilong ol yet. Helpim ol long kisim na yusim ol tul i stap long Intenet long taim ol i mekim stadi. Stori long ol long hau ol inap lukim ol nupela samting long jw.org na JW Broadcasting®. Isi Isi helpim ol long ritim Baibel long olgeta de, long redim ol miting bilong kongrigesen, na long painim ol bekim bilong ol askim bilong ol. Helpim ol long tingim tingim ol samting ol i lainim.
PILAIM VIDIO HELPIM OL BAIBEL SUMATIN LONG MEKIM GUT STADI, NA BIHAIN BEKIM OL DISPELA ASKIM:
Neeta i mekim wanem bilong helpim Jade long luksave olsem stadi i no makim olsem yu mas save long ol bekim tasol?
Wanem samting i helpim Jade long bilip olsem tok bilong Jehova long sakim pasin pamuk i stret?
Skulim ol sumatin long hau ol inap pulimapim tingting na bel bilong ol long save ol i kisim
Olsem wanem Jade i kliagut long pasin bilong tingim tingim ol samting em i lainim?