Helpim Ol Baibel Sumatin Long Kisim Pasin Bilong Pas Gut Wantaim Jehova

Jehova i laik bai pasin bilong yumi long laikim em i kirapim yumi long mekim wok bilong em. (Mt 22:37, 38) Pasin bilong Baibel sumatin long laikim God bai kirapim em long mekim ol senis na sanap strong long taim bilong hevi. (1Jo 5:3) Pasin bilong ol long laikim God bai kirapim ol long kisim baptais.

Helpim ol sumatin bilong yu long luksave olsem God i laikim ol. Askim ol: “Dispela i givim wanem skul long yu long Jehova?” o “Olsem wanem dispela i soim olsem God i laikim yu?” Helpim ol long luksave long hau Jehova i helpim ol. (2St 16:9) Stori long olsem wanem Jehova i bekim beten bilong yu long wanpela samting stret, na kirapim ol long luksave long hau em i bekim beten bilong ol. Yu bai kisim bikpela amamas tru taim yu lukim ol Baibel sumatin bilong yu i soim olsem ol i laikim Jehova na ol i laik pas gut wantaim em.

WATSIM VIDIO HELPIM OL BAIBEL SUMATIN LONG KISIM PASIN BILONG PAS GUT WANTAIM JEHOVA, NA BIHAIN BEKIM OL DISPELA ASKIM:

• 

  Wanem samting i putim hevi long Jade?

• 

  Neeta i helpim Jade olsem wanem?

• 

  Jade i mekim wanem na em i winim dispela hevi?