Kisim Skul Long Stori Bilong Samuel

Samuel i stap gut long Jehova long laip olgeta bilong em. Taim em i liklik mangi yet, em i no laik bihainim pasin nogut bilong 2-pela pikinini man bilong Eli, em Hopni na Finias. (1Sm 2:22-26) Samuel i wok long kamap bikpela, na Jehova i stap wantaim em. (1Sm 3:19) Na long taim em i go lapun, em i stap gut yet long Jehova, maski ol pikinini bilong em i no mekim olsem.—1Sm 8:1-5.

Yumi inap kisim wanem skul long stori bilong Samuel? Sapos yu wanpela yangpela, bilip olsem Jehova i kliagut long ol hevi na filings bilong yu. Em inap helpim yu long strongim bel. (Ai 41:10, 13) Sapos yu wanpela papa o mama, na pikinini bilong yu i no lotuim Jehova, yu inap kisim bel isi long stori bilong Samuel. Em i no fosim ol pikinini bilong em husat i bikpela pinis long bihainim lo bilong Jehova. Samuel i putim dispela hevi long han bilong Jehova, na em i strongim pasin bilong em yet long stap gut na amamasim Papa bilong em long heven, em Jehova. Ating gutpela eksampel bilong yu bai kirapim pikinini long lotuim gen Jehova.

WATSIM VIDIO KISIM SKUL LONG EKSAMPEL BILONG OL—SAMUEL, NA BIHAIN BEKIM OL DISPELA ASKIM:

• 

  Hau Samuel i soim olsem em i strongim bel long taim em i liklik mangi yet?

• 

  Hau Danny i soim olsem em i strongim bel?

• 

  Hau Samuel i stap gutpela eksampel taim em i lapun pinis?

• 

  Hau papamama bilong Danny i stap gutpela eksampel?