BIHAINIM PASIN KRISTEN
Wanem Kain Lain i Stap Pren Bilong Yu Long Intenet?
Dispela tok pren i makim “wanpela man i save pas gut wantaim narapela, long wanem, em i laikim em o tingim em olsem man i gat nem.” Olsem, Jonatan na Devit i stap gutpela pren bihain long Devit i kilim i dai Goliat. (1Sm 18:1) Tupela man wantaim i soim ol gutpela pasin, olsem na dispela i kirapim tupela long pas gut wantaim. Olsem na ol pren i save pas gut taim ol i save gut long narapela narapela. Bilong kisim save long narapela, sampela haptaim na strong i mas lus. Tasol long sosel netwok, ol man i save presim tasol baten bilong stap olsem ol pren bilong narapela. Ol man long Intenet inap plen long wanem tok ol bai mekim na kontrolim infomesen bilong ol bilong stiaim tingting ol narapela i gat long ol, olsem na em isi long ol i haitim ol i husat tru. Olsem na em i gutpela moa long yu putim mak long wanem kain ol manmeri yu laik bai ol i stap pren bilong yu. Yu no ken pret long abrusim o rausim rikwes bilong ol manmeri yu no save long ol bikos yu pret olsem ol bai bel hevi long yu. Sampela i tingim ol hevi inap kamap, olsem na ol i no laik yusim ol sosel netwok. Tasol sapos yu laik yusim sosel netwok, yu mas tingim wanem ol samting?
WATSIM VIDIO SOSEL NETWOK-BIHAINIM SAVETINGTING, NA BIHAIN BEKIM OL DISPELA ASKIM:
Yu mas tingim wanem samting paslain long yu raitim wanpela tok o putim piksa long sosel netwok?
Bilong wanem yu mas makim gut ol poroman long Intenet?
Bilong wanem yu mas makim hamas taim yu laik lusim long sosel netwok?—Ef 5:15, 16