Sosel Netwok—Abrusim Ol Hevi

WAI NA EM I BIKPELA SAMTING: Olsem planti tul, sosel netwok i ken helpim o bagarapim yu. Sampela Kristen i wokim disisen long ol i no laik yusim sosel netwok. Ol narapela Kristen i yusim sosel netwok bilong toktok wantaim ol famili na ol pren. Tasol Devil i laik bai yumi yusim sosel netwok long pasin i no stret, dispela inap bagarapim gutnem na pasin bilong yumi long pas gut wantaim Jehova. Olsem Jisas, yumi inap yusim ol stiatok bilong Baibel long luksave long ol hevi na abrusim.—Lu 4:4, 8, 12.

OL SAMTING BILONG ABRUSIM:

• Lusim bikpela taim long sosel netwok. Lusim bikpela taim long yusim sosel netwok inap pulim taim yumi mas yusim long mekim ol samting bilong pas gut wantaim God

  Stiatok bilong Baibel: Ef 5:15, 16; Fl 1:10

• Lukim na ritim ol samting i no stret. Pasin bilong lukim ol piksa i gat pasin doti inap mekim na wanpela i kisim pasin bilong lukim ponografi na pasin pamuk. Pasin bilong ritim ol buk bilong ol apostet o tok ol i kamapim long Intenet inap bagarapim bilip

  Stiatok bilong Baibel: Mt 5:28; Fl 4:8

• Putim ol tok na piksa i no stret. Bel inap giamanim yumi, wanpela man inap raitim ol komen o putim ol piksa long sosel netwok we i no stret. Dispela inap bagarapim gutnem bilong wanpela na isi isi em inap lusim bilip

  Stiatok bilong Baibel: Ro 14:13; Ef 4:29

LUKIM VIDIO SOSEL NETWOK—BIHAINIM SAVETINGTING NA STORI LONG HAU BAI YU INAP SAKIM OL DISPELA SAMTING: