Olgeta Hevi i Gat Pinis Bilong En

Ol hevi inap mekim yumi bel hevi, moa yet taim ol i stap longpela taim. Devit i save olsem hevi i stap namel long em na King Sol bai pinis na em bai kamap king olsem Jehova i bin promis. (1Sm 16:13) Bilip bilong Devit i helpim em long wet long Jehova na i no les kwik.

Taim hevi i painim yumi, yumi mas bihainim gutpela tingting, save, o pasin bilong wokim gut tingting na abrusim hevi. (1Sm 21:12-14; Pr 1:4) Tasol sampela hevi bai stap yet maski yumi bihainim ol stiatok bilong Baibel na mekim olgeta samting yumi inap mekim. Long kain taim olsem, yumi mas wet long Jehova na no ken les kwik. Klostu nau em bai pinisim olgeta pen na hevi bilong yumi na “mekim drai aiwara i stap long ai” bilong yumi. (Re 21:4) Maski Jehova i mekim samting bilong pinisim hevi bilong yumi o hevi bilong yumi i pinis long ol narapela rot, i gat wanpela samting yumi ken bilip tru long en: Olgeta pen na hevi i gat pinis bilong en. Dispela tok i ken mekim isi bel bilong yumi.

WATSIM VIDIO WANPELA LAIN I STAP WANBEL NAMEL LONG OL MAN I NO STAP WANBEL, NA BIHAIN BEKIM OL DISPELA ASKIM:

• Ol Kristen long hap saut bilong Amerika i bin bungim wanem ol hevi?

• Olsem wanem ol i soim pasin laikim na pasin bilong i no les kwik?

• Olsem wanem ol i wok yet long putim tingting i go long “ol samting i bikpela samting moa”?—Fl 1:10