Redi Long Karim Hevi Bilong Ol Pait Insait Long Kantri

Pinis bilong ol pasin nogut bilong dispela haptaim i klostu, so yumi ken ting olsem ol pait, pasin teroris, na woa bai i go bikpela. (Re 6:4) Hau bai yumi redim yumi yet paslain long ol hevi i kamap?

• Redi long sait bilong bilip: Painim ol stiatok na ol stori bilong Baibel we bai strongim yu long trastim Jehova na oganaisesen bilong em na dispela bai helpim yu long sakim wok politik. (Pr 12:5; jr-E 125-126 par. 23-24) Nau em taim bilong strongim pasin pren bilong yu wantaim ol narapela insait long kongrigesen.—1Pi 4:7, 8

• Redim ol samting long helt na kaikai samting: Wokim plen bilong i stap seif sapos yu no inap lusim haus na yu mas i gat inap kaikai samting. Na tu, plenim ol samting yu bai mekim sapos yu mas lusim haus. Sekim gen imejensi beg na redim mani na ol samting bilong banisim yu long ol sik. Yu mas save long hau yu bai kontektim ol elda, na yu ken sekim gut sapos ol i save long rot bilong kontektim yu.—Ai 32:2; g17.5 3-7

Taim ol pait i kamap long kantri, mekim yet wok lotu, olsem beten, stadi, na go long ol miting. (Fl 1:10) No ken go long ol narapela ples sapos i no gat wok long mekim olsem. (Mt 10:16) Serim kaikai na ol narapela samting.—Ro 12:13.

WATSIM VIDIO YU REDI LONG KARIM HEVI BILONG DISASTA? NA BIHAIN BEKIM OL DISPELA ASKIM:

• Hau bai Jehova i helpim yumi long taim bilong disasta?

• Yumi ken mekim wanem ol samting bilong redim yumi yet?

• Hau bai yumi inap helpim ol narapela em ol i karim hevi bilong ol disasta?