BIHAINIM PASIN KRISTEN
Yu Redi Long Karim Hevi Bilong Mani?
Yumi no kirap nogut taim ol samting long sait bilong mani i wok long senis senis long olgeta hap bilong graun. Wai na yumi tok olsem? Bikos yumi stap long pinis bilong las de na Baibel i tok long yumi no ken ting olsem ‘mani samting bilong sotpela taim tasol’ bai helpim yumi. (1Ti 6:17; 2Ti 3:1) Stori bilong King Jehosafat inap givim wanem skul long yumi long pasin bilong redi long karim hevi bilong mani?
Taim ol birua i laik kam pait long Jehosafat, em i trastim Jehova. (2St 20:9-12) Na tu, em i putim ol ami long olgeta taun na kem bilong ol soldia long graun bilong ol Juda. (2St 17:1, 2, 12, 13) Olsem Jehosafat, yumi mas trastim Jehova na mekim ol samting bilong lukautim yumi long ol taim bilong hevi.
WATSIM VIDIO YU REDI LONG KARIM HEVI BILONG DISASTA? NA BIHAIN BEKIM OL DISPELA ASKIM:
Yumi wan wan inap mekim wanem bilong redi long taim bilong disasta?
Hau bai yumi inap redi long helpim ol narapela?