Bilip Olsem Yu Inap Karim Hevi Bilong Mani

Laip long dispela taim bilong las de i pulap long hevi. Taim yumi go klostu long pinis bilong dispela haptaim bilong nau, ol hevi bai wok long i go bikpela moa. Sampela taim bai yumi sot long kaikai na klos samting. (Hab 3:16-18) Wanem samting bai helpim yumi long bilip olsem yumi inap karim hevi bilong mani? Yumi mas wok yet long trastim God bilong yumi, Jehova. Em i promis long lukautim ol wokman bilong em, na em inap lukautim yumi long kain kain taim.​—Sg 37:18, 19; Hi 13:5, 6.

Samting yu ken mekim:

• Askim Jehova long stiaim, givim savetingting, na helpim yu.​—Sg 62:8

• Redi long mekim ol wok we yu no bin mekim long bipo.​—g-E 1/10 8-9, blok

• Mekim yet ol samting bilong stap strong long bilip, olsem pasin bilong ritim Baibel, go long ol miting, na insait long wok autim tok

WATSIM VIDIO WOKIM HAUS BILONG STAP STRONG—“OL SAMTING YUPELA I GAT PINIS EM INAP LONG YUPELA,” NA BIHAIN BEKIM OL DISPELA ASKIM:

• Sampela famili i bungim wanem ol hevi?

• Wanem samting em bikpela samting long laip?

• Hau bai yumi helpim ol man i bungim hevi bilong mani?