Yu Save Yusim Gut Odio Baibel?

Odio Baibel em wanem samting? Odio Baibel em rekoding bilong nupela edisen bilong New World Translation. Ol i wok long rilisim tu long planti narapela tokples. Wanpela gutpela samting long odio Baibel em olsem i gat narapela narapela vois long ol manmeri em Baibel i stori long ol. Ol i ritim gut na senisim krai bilong nek long kamapim klia ol filings na bai dispela i kamapim stret tok bilong Baibel.

Olsem wanem odio Baibel i helpim sampela man? Planti husat i save harim odio Baibel i tok ol i laikim tru bikos dispela i helpim ol long pilim tru stori i stap long Baibel. Ol i pilim olsem taim ol i harim narapela narapela vois long ol lain Baibel i stori long ol, ol inap piksaim long tingting ol samting i kamap na kliagut long tok bilong Baibel. (Pr 4:5) Na tu, planti i tok taim ol i harim odio Baibel, dispela i mekim gut bel bilong ol taim ol i wari na tingting planti.​—Sg 94:19.

Taim yumi harim Tok Bilong God long rot bilong odio, dispela inap helpim yumi tru. (2St 34:19-21) Sapos hap bilong odio Baibel o olgeta hap bilong odio Baibel i stap long tokples yu save long en, yu inap mekim pasin bilong harim odio Baibel i kamap olsem pasin bilong yu.

WATSIM VIDIO HAU OL I WOKIM ODIO BAIBEL—HAP BILONG EN, NA BIHAIN BEKIM DISPELA ASKIM:

Yu laikim wanem samting long hau ol i wokim odio Baibel?