Yu Putim Wanem Ol Mak Bilong Winim Long Nupela Sevis Yia?

Ol mak bilong bilip yumi laik winim i makim tu ol samting yumi wok strong long inapim na bai yumi inap mekim gut wok bilong Jehova na mekim em i amamas. Ol dispela mak i save helpim yumi long kamap strong long bilip, na taim na strong yumi givim i no lus nating. (1Ti 4:15) Wai na olgeta taim yumi mas skelim ol mak yumi laik winim? Yumi mekim olsem, long wanem, sindaun na ol samting long laip bilong yumi i save senis. Ating wanpela mak yumi putim long pastaim bai i no moa stret wantaim nupela sindaun bilong yumi, o ating yumi winim pinis dispela mak na yumi laik winim narapela mak.

Gutpela taim bilong skelim ol mak yu laik winim em paslain long nupela sevis yia i kirap. Yu ken mekim olsem long taim bilong famili lotu na putim mak em yu yet i laik winim na mak em famili olgeta i ken winim.

Yu putim wanem ol mak bilong winim long ol dispela samting long sait bilong bilip, na yu bai mekim wanem ol samting bilong winim ol dispela mak?