BIHAINIM PASIN KRISTEN

Bihainim Gutpela Pasin Laikim Bilong Jehova

Jehova i stap gutpela eksampel long soim gutpela pasin laikim. (Sg 103:11) Dispela pasin laikim i no save stap sotpela taim tasol. Gutpela pasin laikim em pasin we i mekim man i gat strongpela laik long stap gut long narapela inap longpela taim. Jehova i soim dispela pasin long lain bilong em, ol Israel, long planti rot. Em i kisim bek ol long kalabus long Isip na bringim ol i go long Graun Bilong Promis. (Sg 105:42-44) Em i pait bilong helpim ol manmeri bilong em na planti taim em i fogivim ol taim ol i mekim sin. (Sg 107:19, 20) Taim yumi “skelim gut wanem ol rot Jehova i save kamapim gutpela pasin laikim bilong em,” dispela bai kirapim yumi long soim wankain pasin.—Sg 107:43.

Ol piksa: Ol piksa Ol i wokim olsem bilong vidio “Skelim Gut Ol Rot Jehova i Kamapim Gutpela Pasin Laikim Bilong Em.” 1. Brata Capra na Narapela brata i visitim wanpela sista long haus bilong em. 2. Brata Capra, nau em i stap kalabus wantaim narapela brata, na em i givim kaikai long brata i sik na slip long bet.

WATSIM VIDIO “SKELIM GUT OL ROT JEHOVA I KAMAPIM GUTPELA PASIN LAIKIM BILONG EM,” NA BIHAIN BEKIM OL DISPELA ASKIM:

Yumi inap soim gutpela pasin laikim long wanem ol rot?

Bekim Bilong Yu
Bilong soim gutpela pasin laikim, wai na yumi mas daunim sampela laik bilong yumi yet?

Bekim Bilong Yu