Was i Stap Long Rot Bilong Stadi Gut

Ritim Daniel 9:​1-19 bilong kisim save long risen na pasin bilong stadi gut em i bikpela samting.

Skelim gut ol tok i stap paslain na bihain. Wanem ol samting i kamap i no longtaim i go pinis, na dispela i mekim wanem long Daniel? (Dan. 5:29–6:5) Yu bai pilim olsem wanem sapos yu Daniel?

Mekim gut wok painimaut. Ating Daniel i yusim wanem “ol buk holi” long mekim wok painimaut? (Dan. 9:​2, ftn.; w11 1/1 22 par. 2) Wai na Daniel i tokaut long ol sin bilong em na bilong lain Israel? (Wkp. 26:​39-42; 1 Kin. 8:​46-50; dp 181-184) Olsem wanem beten bilong Daniel i soim olsem em i save givim bel tru long stadi long Tok Bilong God?—Dan. 9:​11-13.

Luksave long ol skul yu kisim. Askim yu yet olsem:

• ‘Mi ken mekim wanem na bai mi no larim ol samting i kamap long dispela graun i pulim tingting bilong mi?’ (Mai. 7:7)

• ‘Mi bai kisim wanem helpim taim mi stadi gut long Tok Bilong God, olsem Daniel i bin mekim?’ (w04 8/1 12-13 par. 17)

• ‘Wanem ol topik mi mekim olsem pesenel stadi bilong mi bai helpim mi long “was i stap”?’ (Mat. 24:​42, 44; w12 8/15 5 par. 7-8)