Kisim Skul Long Ol Piksa

Ol pablikesen bilong yumi i pulap long ol piksa we i skulim yumi long ol bikpela tok. Hau yu inap yusim ol dispela piksa long helpim yu?

• Lukim ol piksa paslain long yu ritim atikol. Ol piksa inap kirapim tingting bilong yu long ritim atikol. Tingim, taim yu lukim wanpela naispela kaikai long plet, yu save amamas long kaikai. Olsem tasol, sapos yu lukim ol piksa bilong wanpela atikol pastaim, orait yu bai amamas tru long ritim dispela atikol. So askim yu yet, ‘Mi lukim wanem ol samting long piksa?’—Amo. 7:​7, 8.

• Taim yu ritim wanpela atikol, tingim risen na ol i putim ol piksa long dispela atikol. Ritim ol stori bilong piksa sapos i gat. Skelim olsem wanem ol piksa i stret wantaim topik bilong atikol na long yu yet tu.

• Bihain long yu ritim, yusim ol piksa long mekim riviu long ol bikpela poin bilong atikol. Bihain, pasim ai na traim long piksaim long tingting ol dispela piksa na ol bikpela poin em wan wan piksa i kamapim.

• Traim lukim gen ol piksa long dispela magasin, na lukim sapos yu inap tingim ol bikpela poin em yu bin lainim.