Rot Bilong Stap Amamas Taim Yu No Save Long Samting Bai Kamap—Baibel i Tok Wanem?

Long dispela taim we i hatwok long save long ol samting bai kamap, yumi no inap long kontrolim ol samting bai painim yumi. Tasol planti taim tingting yumi holim i save mekim yumi i stap amamas na i no ol samting i painim yumi. Baibel i tok maski ol i bungim hevi, “ol manmeri i save amamas oltaim ol i amamas long laip.” (Provep 15:15, Good News Translation) Yumi ken mekim wanem na bai amamas bilong yumi i go bikpela? Skelim hau tok bilong Baibel inap helpim yu.

Karim hevi bilong tingting planti

Baibel i tok: “Wari i stap long bel bilong man i save daunim bel bilong em, tasol gutpela tok i save amamasim bel bilong em.”​—Provep 12:25.

• Baibel inap helpim yu long karim hevi bilong tingting planti. Bilong save long hau na yu inap mekim olsem, ritim atikol “Baibel i Tok Wanem Long Pasin Bilong Tingting Planti?”

Daunim pasin bilong pilim wanpis

Baibel i tok: “Trupela pren i save soim pasin laikim long olgeta taim na em i kamap olsem brata bilong yu long taim bilong hevi.”​—Provep 17:17.

• Baibel i kamapim ol tok we inap helpim yu long daunim pasin bilong pilim wanpis long rot bilong strongim pasin pren bilong yu wantaim ol narapela. Ritim atikol “Daunim Pasin Bilong Pilim Wanpis Long Rot Bilong Kamap Pren Bilong Ol Narapela—Hau Baibel i Ken Helpim.”

Kisim pasin bilong laikim God na ol arapela

Baibel i tok: “Yu mas laikim Jehova, God bilong yu. Yu mas laikim em long bel olgeta bilong yu, na long laip olgeta bilong yu, na long tingting olgeta bilong yu. . . . Yu mas laikim ol arapela man olsem yu laikim yu yet.”a—Matyu 22:37-39.

• Beten i ken helpim yumi long mekim pasin bilong yumi long laikim God i go bikpela. Bilong kisim sampela save moa, ritim atikol “Yu Ting God i Save Harim Ol Beten Bilong Yumi?”

• Yumi soim olsem yumi laikim ol arapela long rot bilong bihainim tok em planti i kolim olsem Gutpela Lo Tru. Kisim sampela save moa long atikol “Gutpela Lo Tru Em Wanem Samting?”

Yu laik kisim sampela save moa long hau Baibel inap helpim yu long stap amamas long dispela taim we yu no save long wanem samting bai kamap? Bilong mekim olsem, mipela i laik singautim yu long mekim fri Baibel stadi kos.