Baibel i tok yumi ol man i save ‘stap sotpela taim tasol na laip bilong yumi i pulap long kain kain hevi.’ (Jop 14:1) Yu ting dispela em laik bilong God long yumi? Sapos nogat, i gat wanem as na em i wokim yumi? Olsem wanem? Em bai inapim dispela laik bilong em? Skelim tok Baibel i mekim long dispela.

1. Jehova i laik bai yumi stap olsem wanem?

Jehova i laik bai yumi stap gut na stap amamas. Taim em i wokim namba 1 man na meri, em i putim tupela long wanpela naispela ples paradais, em gaden Iden. Na “God i blesim ol, na God i tokim ol: ‘Kamapim ol pikinini na kamap planti na go sindaun long olgeta hap bilong graun na bosim olgeta samting i stap long en.’” (Stat 1:28) Jehova i laik bai ol i kamapim ol pikinini, mekim graun olgeta i kamap wanpela ples paradais, na lukautim ol animal. Em i laik bai olgeta manmeri i gat gutpela helt na i stap oltaim oltaim.

Maski ol samting i no kamap olsem God i laikim,a laik bilong em i no senis. (Aisaia 46:10, 11) Em i laik bai ol man i bihainim tok bilong em i stap gut na stap amamas oltaim.—Ritim Revelesen 21:3, 4.

2. Yumi ken mekim wanem na bai laip bilong yumi i gat as tru bilong en long nau?

Jehova i wokim yumi na putim laik bilong “kisim save long God” long bel bilong yumi, em olsem yumi gat laik long kisim save long em na lotuim em. (Ritim Matyu 5:3-6.) Em i laik bai yumi kamap pren bilong em, “na bihainim rot em i makim, na . . . laikim em,” na givim “bel olgeta bilong [yumi]” long mekim wok bilong em. (Lo 10:12; Buk Song 25:14) Taim yumi mekim olsem, yumi bai stap amamas tru maski yumi gat planti hevi. Taim yumi lotuim Jehova, yumi pilim olsem laip bilong yumi i gat as tru bilong en.

3. Jehova i laik bai ol man i gat gutpela sindaun

Pilaim VIDIO, na stori long dispela askim.

VIDIO: Bilong Wanem God i Wokim Graun?—Hap Bilong En (1:41)

• Wai na God i wokim dispela naispela graun?

Ritim Eklisiastis 3:11, na stori long dispela askim:

• Dispela i givim wanem skul long yu long Jehova?

4. Laik bilong Jehova i no senis

Ritim Buk Song 37:11, 29 na Aisaia 55:11, na stori long dispela askim:

• Olsem wanem yumi save olsem laik bilong Jehova long yumi i no senis?

5. Taim yumi lotuim Jehova, laip bilong yumi i gat as tru bilong en

VIDIO: Mi Kisim Save Long As Tru Bilong Laip (5:03)

• Taim Terumi i kisim save long as tru bilong laip, dispela i helpim em olsem wanem?

Ritim Eklisiastis 12:13, na stori long dispela askim:

• Jehova i mekim planti samting bilong helpim yumi, so hau bai yumi soim olsem yumi tenkyu long em?

OL BIKPELA POIN

Jehova i laik bai yumi stap gut na stap amamas oltaim long graun. Taim yumi lotuim em long bel olgeta bilong yumi, laip bilong yumi bai i gat as tru bilong en—long nau tu.

Riviu

• Wanem laik bilong Jehova long pastaim long Adam na Iv?

• Olsem wanem yumi save olsem laik bilong God long ol man i no senis?

• Hau bai yu kisim save long as tru bilong laip?

MEKIM WOK PAINIMAUT

Kisim save long as na yumi ken bilip tru olsem gaden Iden i bin stap tru.

“Gaden Iden—Stori Nating o Stori Tru?” (Wastaua, Janueri 1, 2011)

Kisim save long risen na yumi bilip tru olsem graun bai i stap oltaim oltaim.

“Yu Ting Graun Bai Bagarap?” (Atikol long websait)

Skelim tok Baibel i mekim long hau yu inap kisim save long as tru bilong laip bilong yu.

“I Gat Wanem As Tru Bilong Laip?” (Atikol long websait)

Lukim hau wanpela man i ting em i gat olgeta samting tasol em i luksave olsem em i sot long wanpela samting long laip bilong em.

Nau Laip Bilong Mi i Gat As Bilong En (3:55)

2. Husat bai mekim wok king wantaim Jisas?

Jisas wanpela tasol i no inap mekim wok king. Wan wan man na meri bilong ‘olgeta traib, tokples, lain pipol, na kantri bai stap king na bosim graun.’ (Revelesen 5:9, 10) Hamas manmeri bai wok king wantaim Krais? Taim Jisas i kam long graun, planti milion Kristen i kamap disaipel bilong em. Tasol 144,000 tasol bai go long heven bilong wok king wantaim Jisas. (Ritim Revelesen 14:1-4.) Olgeta narapela Kristen bai stap long graun aninit long Kingdom.—Buk Song 37:29.

Kingdom Bilong God i kirap mekim wok pinis. Klostu nau em bai mekim ol bikpela senis long graun. Bai yumi stori long ol gutpela samting yumi ken wet long lukim taim Kingdom i bosim graun.

1. Olsem wanem Kingdom Bilong God bai kamapim gen bel isi na stretpela pasin long graun?

Jisas, em King bilong Kingdom Bilong God, bai bagarapim ol man nogut na ol gavman long pait bilong Armagedon. (Revelesen 16:14, 16) Long dispela taim, dispela tok promis bai kamap tru: “I no longtaim na bai ol man nogut i no stap moa.” (Buk Song 37:10) Long rot bilong Kingdom, Jisas bai mekim na bel isi na stretpela pasin bai pulap long olgeta hap.—Ritim Aisaia 11:4.

2. Sindaun bilong ol man bai wanem kain taim laik bilong God i kamap long graun?

Taim Kingdom Bilong God i bosim graun, “ol stretpela man bai kisim graun olgeta, na ol bai stap oltaim long en.” (Buk Song 37:29) Piksaim olsem yu stap long graun we olgeta man i stretpela man na ol i laikim Jehova na narapela narapela! I no gat wanpela i sik, na olgeta i stap oltaim.

3. Kingdom Bilong God bai mekim wanem bihain long ol man nogut i bagarap?

Bihain long ol man nogut i bagarap, Jisas bai mekim wok King inap 1,000 yia. Long dispela taim, Jisas na 144,000 bai helpim ol manmeri i kamap gutpela olgeta na no gat sin. Long pinis bilong dispela 1000 yia, graun olgeta bai kamap paradais na i pulap long ol man i stap amamas na bihainim ol lo bilong Jehova. Bihain, Jisas bai givim wok king i go bek long Papa bilong em, Jehova. Na “nem bilong [Jehova bai] i stap holi,” winim olgeta taim bipo. (Matyu 6:9, 10) Dispela bai kamapim klia olsem Jehova i gutpela King i save tingim tru ol manmeri i stap aninit long em. Jehova bai bagarapim Satan, ol spirit nogut, na ol man em long laik bilong ol yet ol i sakim wok bos bilong Em. (Revelesen 20:7-10) Ol gutpela samting Kingdom Bilong God i kamapim bai stap oltaim oltaim.

KISIM SAMPELA SAVE MOA

4. Kingdom Bilong God bai pinisim olgeta gavman bilong ol man

“Man i bin bosim man na i bringim hevi tasol long em.” (Eklisiastis 8:9) Long rot bilong Kingdom bilong em, Jehova bai pinisim ol pasin i no stret.

Ritim Daniel 2:44 na 2 Tesalonaika 1:6-8, na stori long ol dispela askim:

• Jehova na Pikinini bilong em, Jisas, bai mekim wanem long gavman bilong ol man na ol lain i sapotim ol?

• Olsem wanem save yu kisim long Jehova na Jisas i helpim yu long bilip tru olsem ol samting ol bai mekim i stret na i fea?

5. Jisas em i gutpela King

Jisas em i King bilong Kingdom Bilong God, olsem na em bai mekim planti samting bilong helpim ol manmeri bilong em long graun. Pilaim VIDIO na lukim hau Jisas i soim pinis olsem em i gat laik long helpim ol manmeri na God i givim em strong long mekim olsem.

VIDIO: Jisas i Soim Ol Samting Kingdom Bai Mekim (1:13)

Ol samting Jisas i mekim taim em i stap long graun i piksa tasol bilong ol samting Kingdom bai mekim. Wanem ol gutpela samting long dispela lista em yu laik tru long lukim? Ritim ol skripsa i stap klostu long en i stori long ol dispela gutpela blesing.

6. Kingdom Bilong God bai kamapim gutpela sindaun long bihain

VIDIO: Piksa Bilong Ol Gutpela Samting Tru Bai Kamap Bihain (4:38)

Ritim Buk Song 145:16, na stori long dispela askim:

• Yu pilim olsem wanem taim yu kisim save olsem Jehova bai “inapim laik bilong olgeta samting i gat laip”?

OL BIKPELA POIN

Kingdom Bilong God bai inapim wok bilong en. Em bai mekim graun olgeta i kamap paradais i pulap long ol gutpela manmeri i lotuim Jehova inap oltaim oltaim.

Riviu

• Olsem wanem Kingdom Bilong God bai mekim holi nem bilong Jehova?

• Bilong wanem yumi ken bilip tru olsem Kingdom Bilong God bai inapim tru olgeta tok promis bilong Baibel?

• Wanem wanpela bilong ol samting Kingdom bai mekim em yu laik tru long lukim?

MEKIM WOK PAINIMAUT

Kisim save long mining bilong dispela tok Armagedon.

“Pait Bilong Amagedon Em Wanem Samting?” (Atikol long websait)

Skelim ol bikpela samting bai kamap long taim we Jisas i kolim olsem “traipela hevi tru.”—Matyu 24:21.

“Traipela Hevi Tru Em Wanem Samting?” (Atikol long websait)

Lukim hau ol famili i ken piksaim olsem ol i stap wantaim long Paradais.

See Yourself in Paradise (1:50)

Long atikol “Mi Gat Planti Askim Tru Long Ol Samting,” ritim stori bilong wanpela man i bikhet long gavman i kisim bekim long ol samting em i laik save long en.

“Baibel i Save Senisim i Stap Bilong Man” (Wastaua, Janueri 1, 2012)