Mekim Wok Long Ol Askim

Matyu 16:13-16

OL BIKPELA TOK: Mekim ol gutpela askim bilong kirapim tingting na laik bilong man long harim tok, bilong helpim man long wokim tingting na skelim gut samting yu stori long en, na kamapim klia ol bikpela poin.

ROT BILONG MEKIM:

• Kirapim tingting na laik bilong man long harim tok. Givim ol askim i kirapim tingting bilong ol man i harim long tingting long tok yu kamapim o kirapim ol long i gat laik long save long bekim bilong dispela askim.

• Helpim man long wokim tingting na skelim gut samting yu stori long en. Yumi ken kamapim ol askim bilong helpim ol man i harim tok bilong yumi long save long as na ol tok yumi kamapim i stret.

• Kamapim klia ol bikpela poin. Kamapim wanpela askim i kirapim tingting bilong man we i kamapim wanpela bikpela poin. Taim yu mekim pinis wanpela bikpela tok o taim yu pinisim tok bilong yu, yusim ol askim bilong mekim riviu.