Wanem As Bilong Bilip Bilong Yu?

Sapos wanpela i askim yu long wai na yu bilip olsem God i wokim olgeta samting, bai yu tok wanem? Bilong bekim gut dispela askim, yu mas mekim tupela samting: Pastaim, yu yet i mas kamapim klia long yu yet olsem tru tru God i bin wokim olgeta samting. (Rom 12:1, 2) Orait nau yu mas tingim olsem wanem bai yu stori long bilip bilong yu long ol narapela.—Pr 15:28.

LUKIM OL VIDIO WANPELA DOKTA BILONG BUN I STORI LONG BILIP BILONG EM NA WANPELA SAVEMAN BILONG OL ANIMAL I STORI LONG BILIP BILONG EM BILONG KISIM SAVE LONG AS NA OL ARAPELA I BILIP OLSEM I GAT MAN I WOKIM OLGETA SAMTING, NA BIHAIN BEKIM OL DISPELA ASKIM:

• 

  Bilong wanem Irène Hof Laurenceau i bilip olsem i gat man i bin wokim olgeta samting na ol i no kamap long rot bilong evolusen?

• 

  Bilong wanem Yaroslav Dovhanych i bilip olsem i gat man i bin wokim olgeta samting na ol i no kamap long rot bilong evolusen?

• Olsem wanem yu bai stori long wanpela long wai na yu bilip olsem i gat man i wokim olgeta samting?

• I gat wanem ol buk na nius em oganaisesen bilong Jehova i kamapim na i stap long tokples bilong yu em yu ken yusim bilong kamapim klia long yu yet na ol arapela olsem God i bin wokim olgeta samting?