Olsem Wanem Ol Marit Inap Strongim Marit Bilong Ol?

Abraham na Sara i stap gutpela piksa long ol marit long pasin bilong laikim na rispektim narapela narapela. (St 12:11-13; 1Pi 3:6) Maski i olsem, marit bilong tupela i no gutpela olgeta, na tupela i gat ol hevi. Sapos ol marit i skelim pasin bilong Abraham na Sara, ol inap kisim wanem skul?

Tupela i mas toktok gut wantaim. Taim poroman marit bilong yu i bel hevi o kros na mekim toktok, bekim long pasin daun. (St 16:5, 6) Stretim rot long mekim ol samting wantaim. Long rot bilong pasin na toktok bilong yu, kamapim olsem yu laikim poroman marit bilong yu. Bikpela samting moa, yutupela wantaim i mas mekim ol samting bilong pas gut wantaim Jehova long rot bilong stadi, beten, na lotuim em wantaim. (Ekl 4:12) Ol marit i pas gut wantaim, dispela i save givim biknem long Jehova, em Man i kamapim marit, em samting i holi.

LUKIM VIDIO ROT BILONG STRONGIM MARIT, NA BIHAIN BEKIM OL DISPELA ASKIM:

• Long vidio, wanem sampela samting i soim olsem isi isi Shaan na Kiara i no mekim ol samting wantaim?

• Bilong wanem em i bikpela samting long tupela marit i toktok gut wantaim?

• Olsem wanem pasin bilong Abraham na Sara i helpim Shaan na Kiara?

• Wanem ol samting Shaan na Kiara i mekim bilong strongim marit bilong tupela?

• Bilong wanem maritman na maritmeri i no ken ting marit bilong ol bai i gutpela olgeta?