Lukautim Marit Bilong Yu

Tok promis bilong marit em i samting holi long ai bilong Jehova. Em i tok man marit na meri marit i mas stap gut long narapela narapela. (Mt 19:5, 6) Planti marit insait long lain bilong God i stap gutpela piksa. Tasol i no gat wanpela marit i gutpela olgeta. Ol hevi i save kamap insait long marit. Yumi no ken holim wankain tingting olsem bilong ol man bilong graun olsem taim hevi i kamap tupela marit i ken seperet o katim marit. Ol marit Kristen i ken lukautim gut marit bilong ol olsem wanem?

Ol i ken tingim dispela 5-pela samting.

1. Was gut long bel bilong yu long rot bilong sakim pasin bilong tok gris na ol amamas nogut, em ol samting we inap kamapim hevi insait long marit.—Mt 5:28; 2Pi 2:14.

2. Strongim pasin pren bilong yu wantaim God, na mekim ol samting bilong amamasim em insait long marit bilong yu.—Sg 97:10.

3. Wok yet long kisim nupela pasin, na mekim ol gutpela pasin bilong helpim poroman marit bilong yu.—Kl 3:8-10, 12-14.

4. Oltaim toktok gut wantaim poroman marit bilong yu long pasin rispek.—Kl 4:6.

5. Maritman na maritmeri i mas givim poroman marit bilong ol samting i stret ol i kisim na mekim long pasin laikim.—1Ko 7:3, 4; 10:24.

Taim ol marit Kristen i tingim tru marit bilong ol, ol i givim ona long Man i kamapim marit, em Jehova.

LUKIM VIDIO YUMI MAS “SANAP STRONG NA RAN LONG DISPELA RESIS”—BIHAINIM LO BILONG RESIS, NA BIHAIN BEKIM OL DISPELA ASKIM:

• 

  Taim man na meri i marit nupela, ol i save stap amamas, tasol bihain wanem ol hevi inap kamap?

• 

  Olsem wanem ol stiatok bilong Baibel inap helpim ol lain i pilim olsem i no gat pasin laikim insait long marit bilong ol?

• 

  Jehova i putim wanem ol lo bilong ol marit?

• Man na meri marit i mas mekim wanem na bai marit bilong tupela i stap gut?