Bilong Ol Yangpela Bilong Yumi

Olsem Wanem Paradais Bilong Pastaim i Bin Lus?

Pasin Bilong Mekim: Mekim dispela projek long wanpela hap we i no gat planti nois. Taim yu ritim skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

SKELIM SAMTING I KAMAP.​—RITIM STAT 3:​1-​24.

Yu ting pastaim Iv i pilim olsem wanem taim snek i kirap toktok long em?

․․․․․

Adam na Iv i bin mekim sin long laik bilong tupela yet, na yu ting tupela i pilim olsem wanem, olsem ves 7-10 i kamapim?

․․․․․

Ves 22-24 i stori long Adam na Iv i raus long gaden Iden, na yu piksaim dispela samting olsem wanem long tingting bilong yu?

․․․․․

SKELIM I GO MOA.

Olsem wanem ai bilong Iv i pulim em na em i pundaun? (Ritim gen ves 6.)

․․․․․

Bilong wanem dispela prut i pulim ai bilong Iv na em i gat bikpela laik long kisim? (Ritim gen ves 4 na 5.)

․․․․․

Ating wanem samting i bin kirapim Adam long bihainim Iv na mekim sin? (Ritim gen ves 6.)

․․․․․

Sin i mekim na wanem kain hevi bai kamap namel long ol man na meri i kamap bihain? (Ritim gen ves 16.)

․․․․․

Wanem samting i soim olsem sin i mekim na Adam na Iv i no pas gut moa? (Ritim gen ves 12.)

․․․․․

Jehova i bin mekim wanem bilong stretim dispela hevi na bai laik bilong em i ken kamap? (Ritim gen ves 15.)

․․․․․

MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Long ol hevi inap kamap long pasin bilong bosim yumi yet.

․․․․․

Long olsem wanem ai inap pulim yumi long bihainim ol laik nogut bilong bel.

․․․․․

Long pasin bilong sutim tok long ol arapela long ol rong yumi yet i mekim, dispela i no inap helpim yumi.

․․․․․

YU PILIM TRU WANEM SAMTING LONG DISPELA STORI BILONG BAIBEL? BILONG WANEM YU TOK OLSEM?

․․․․․