God i Stap We?
Septemba 11, 2001: Long 8:46 long moningtaim, wanpela bikpela balus i sut i go insait long wanpela taua bilong Wol Tred Senta long New York City—em namba wan bilong sampela bikpela bagarap ol teroris i kamapim. Insait long 102 minit, inap olsem 3,000 manmeri i dai.
Disemba 26, 2004
Wanpela traipela guria, strong bilong en 9.0, i kamap insait long solwara India na i kirapim ol traipela biksi long 11-pela kantri, na long Afrika tu—em i stap longwe inap 5,000 kilomita. Insait long wanpela de tasol, inap 150,000 manmeri i dai o i lus, na winim wan milion i no gat haus moa.
Ogas 1, 2009: Wanpela man i gat 42 krismas i raun wantaim pikinini man i gat 5-pela krismas long wanpela liklik spit bot, na bot i bam long bris. Papa i dai. Pikinini i stap laip, tasol long neks de em tu i dai. Wanpela wanblut i bel hevi tru na i tok: “Mipela i laik bai wanpela mirakel i kamap na em bai orait, tasol nogat.”
Taim yu ritim stori bilong pasin teroris o bikpela guria samting, o wanpela long famili i kisim bagarap, yu save tingting planti olsem God i lukim ol dispela samting o nogat? Yu save ting God i lusim yumi pinis? Baibel i gat gutpela bekim, olsem yumi bai lukim.
[Ol Piksa Kredit Lain long pes 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures