Tipisalema
Miloti ya Davhida, ya ku tsundzuxa.
2 Hikuva miseve ya wena yi ndzi tlhave yi nghena endzenindzeni,+
Ni voko ra wena ri xikele ehenhla ka mina.+
3 A ku na ndhawu leyi hanyeke kahle enyameni ya mina hikwalaho ka xigwevo xa wena.+
A ku na ku rhula emarhambyini ya mina hikwalaho ka xidyoho xa mina.+
7 Hikuva masenge ya mina ma hisa swinene,
Naswona a yi kona ndhawu leyi hanyeke kahle enyameni ya mina.+
8 Ndzi heleriwe hi matimba kutani ndzi pfotloseka ku tlula mpimo;
Ndzi vombile hikwalaho ka ku konya ka mbilu ya mina.+
9 Oho Yehovha, ku navela ka mina hinkwako ku le mahlweni ka wena,
Naswona nhlomulo wa mina a wu tumbelanga eka wena.+
10 Mbilu ya mina yi ba hi matimba swinene, matimba ya mina ma ndzi siyile,
Ni ku vonakala ka mahlo ya mina a ku kona eka mina.+
11 Loko ku ri varhandziwa va mina ni vanakulorhi, va yimela le kule ni khombo ra mina,+
Ni vanakulorhi lavakulu va yimele le kule.+
12 Kambe lava lavaka moyaxiviri wa mina va rhiye swirimbana,+
Ni lava va ndzi vangelaka maxangu va vulavule swo biha,+
Va hambeta va vulavula vuxisi siku hinkwaro.+
13 Loko ku ri mina, ku fana ni la feke tindleve, a ndzi nge yingisi;+
Ku fana ni la nga vulavuriki, a ndzi nge wu pfuli nomu wa mina.+
14 Se ndzi kotise munhu la nga twiki,
Naswona a ku nga ri na tinhlamulo enon’wini wa mina.
16 Hikuva ndzi te: “Loko swi nga ri tano va ta tsaka ha mina;+
Loko nenge wa mina wu dedeleka,+ kunene va ta tikukumuxa eka mina.”+
17 Hikuva a ndzi lunghekele ku khwita,+
Ni xitlhavi xa mina a xi ri emahlweni ka mina nkarhi hinkwawo.+
19 Valala va mina lava hanyaka va ve ni matimba,+
Ni lava va ndzi vengaka ku nga ri na xivangelo va tele.+