Tipisalema

39 Ndzi te: “Ndzi ta rindza tindlela+ ta mina

Leswaku ndzi nga dyohi hi ririmi ra mina.+

Ndzi ta veka tomu eno n’wini wa mina le swaku ri ndzi rindza,+

Ntsena loko lowo homboloka a ha ri emahlweni ka mina.”+

 2 Ndzi miyele ndzi ku whii;+

Ndzi miyerile malunghana ni leswinene,+

Ndzi ku fularherile ku vaviseka ka mina.

 3 Mbilu ya mina a yi hisa endzeni ka mina;+

Ndzilo wu hambeta wu hisa hi nkarhi wa nhlomulo wa mina.

Ndzi vulavule hi ririmi ra mina:

 4 “Oho Yehovha, endla leswaku ndzi tiva makumu ya mina,+

Ni mpimo wa masiku ya mina—leswi wu nga xiswona,+

Leswaku ndzi ta tiva ku koma ka vukona bya mina.+

 5 Waswivo! U endle masiku ya mina ma va matsongo;+

Ni ku leha ka vutomi bya mina a hi nchumu emahlweni ka wena.+

Kunene munhu un’wana ni un’wana wa la misaveni, hambiloko a yime a tiya, a hi nchumu, kambe i moya ntsena.+ Seʹlah.

 6 Kunene munhu u fambafamba ku fana ni ndzhuti.+

Kunene va tibuma swa hava.+

Munhu u hlengeleta swilo kambe a nga n’wi tivi la nga ta swi olela.+

 7 Oho Yehovha, sweswi ndzi tshembe yini?

Ku langutela ka mina ku le ka wena.+

 8 Ndzi kutsule eka ku tlula nawu ka mina hinkwako.+

U nga ndzi veki ndzi va ndzhukano eka xihunguki.+

 9 Ndzi miyerile;+ ndzi nga wu pfuli nomu,+

Hikuva wena u teke goza.+

10 Susa khombo ra wena eka mina.+

Mina ndzi fika emakumu+ hikwalaho ka rivengo ra voko ra wena.

11 U tshinye munhu u n’wi lulamisa leswaku a nga dyohi,+

Naswona u herisa swilo swakwe leswi navelekaka ku fana ni leswi nsumba+ yi endlisaka swona.

Kunene munhu un’wana ni un’wana wa la misaveni i moya ntsena.+ Seʹlah.

12 Oho Yehovha, yingisa xikhongelo xa mina,

Naswona ndzi yingise loko ndzi kombela ku pfuniwa.+

U nga miyeli+ loko ndzi rila.

Hikuva ndzi muluveri eka wena,+

Ndzi nhlapfa ku fana ni vatata wa mina hinkwavo.+

13 U nga ndzi languti, leswaku ndzi ta tsaka+

Ndzi nga si famba, kutani ndzi nga ha vi kona.”+