Vaheveru

2 Hi yona mhaka leyi swi faneleke leswaku hi nyikela nyingiso lowukulu ku tlula lowu tolovelekeke eka swilo leswi hi swi tweke,+ leswaku hi nga tshuki hi khukhuleka.+ 2 Hikuva loko rito leri vuriweke hi ku tirhisa tintsumi+ ri tikomba ri tiyile, naswona ku tlula nawu kun’wana ni kun’wana ni xiendlo xa ku pfumala ku yingisa swi rihiwe hi ku pfumelelana ni vululami;+ 3 xana hi ta balekisa+ ku yini loko hi honise+ ku ponisiwa lokukulu+ swonghasi hileswi ku sunguleke ku vuriwa hi ku tirhisa Hosi+ ya hina naswona hi tiyisekiseriwe+ kona hi lava va yi tweke, 4 loko Xikwembu xi hlanganyela eku nyikeleni ka vumbhoni hi masingita ni hi swihlamariso ni hi mintirho+ yo hambana-hambana ya matimba ni ku aviwa+ ka moya lowo kwetsima hi ku ya hi ku rhandza+ ka xona ke?

5 Hikuva misava leyi akiweke leyi taka+ leyi hi vulavulaka ha yona a xi yi vekanga ehansi ka tintsumi. 6 Kambe mbhoni yin’wana yi nyike xitiyisekiso kun’wana, yi ku: “Munhu i yini leswaku u n’wi anakanya,+ kumbe n’wana wa munhu i yini leswaku u n’wi khathalela?+ 7 U n’wi endle a va ehansinyana ka tintsumi; u n’wi tlhandleke harhi ya ku vangama ni ku xiximiwa,+ kutani u n’wi veka ehenhla ka mintirho ya mavoko+ ya wena. 8 Swilo hinkwaswo u swi veke ehansi ka milenge+ yakwe.” Hikuva leswi Xikwembu xi vekeke swilo hinkwaswo ehansi ka yena,+ a xi siyanga nchumu xi nga ri ehansi kakwe.+ Kambe a hi swi voni swilo hinkwaswo swi ri ehansi kakwe;+ 9 kambe ha n’wi vona Yesu, loyi a a endliwe a va ehansinyana ka tintsumi,+ a a tlhandlekiwe harhi ya ku vangama+ ni ku xiximiwa hikwalaho ka leswi a a file,+ leswaku hi musa lowu nga faneriwiki wa Xikwembu a ta nantswa rifu hikwalaho ka vanhu+ hinkwavo.

10 Hikuva a swi fanela eka loyi swilo hinkwaswo swi nga kona hi mhaka yakwe ni loyi ha yena swilo hinkwaswo swi nga kona,+ hi xikongomelo xo tisa vana vo tala eku vangameni,+ ku endla leswaku Murhangeri Lonkulu+ wa ku ponisiwa ka vona a hetiseka hi ku xaniseka.+ 11 Hikuva loyi a kwetsimisaka ni lava kwetsimisiwaka+ va huma eka wun’we hinkwavo,+ hi xivangelo lexi a nga khomiwi hi tingana ku va vitana “vamakwerhu,”+ 12 hilaha a nge: “Ndzi ta vula vito ra wena eka vamakwerhu; exikarhi ka nhlengeletano ndzi ta ku dzunisa hi risimu.”+ 13 Nakambe: “Ndzi ta tshemba yena.”+ Nakambe: “Maswivo! Mina ni vana lavatsongo, lava Yehovha a ndzi nyikeke vona.”+

14 Hikokwalaho, leswi “vana lavatsongo” va nga ni ngati ni nyama yin’we, na yena u ve ni swilo leswi fanaka,+ leswaku hi rifu+ rakwe a ta herisa+ la nga ni tindlela to vanga rifu,+ ku nga Diyavulosi;+ 15 ni leswaku a ta ntshunxa+ hinkwavo lava hikwalaho ko chava rifu+ a va ri evuhlongeni vutomi+ bya vona hinkwabyo. 16 Hikuva hakunene a nga pfuni tintsumi nikatsongo, kambe u pfuna mbewu+ ya Abrahama. 17 Hikwalaho a a boheka ku fana ni “vamakwavo” hi matlhelo+ hinkwawo, leswaku a ta va muprista lonkulu wa tintswalo ni wo tshembeka eka swilo leswi khumbaka Xikwembu,+ leswaku a nyikela gandzelo ra ku vuyelelana+ ra swidyoho swa vanhu.+ 18 Hikuva leswi yena hi byakwe a xanisekeke loko a ringiwa,+ wa swi kota ku ta pfuna lava ringiwaka.+