Tipisalema

20 Onge Yehovha a nga ku hlamula hi siku ra maxangu.+

Onge vito ra Xikwembu xa Yakobe ri nga ku sirhelela.+

 2 Onge a nga rhumela mpfuno wa wena wu huma endhawini+ yo kwetsima,

A ku seketela u huma eSiyoni.+

 3 Onge a nga tsundzuka magandzelo ya wena hinkwawo lama nga nyiko,+

Onge a nga amukela gandzelo ra wena ro hisiwa ri ri leri noneke.+ Seʹlah.

 4 Onge a nga ku nyika hi ku ya hi mbilu+ ya wena,

Naswona onge a nga hetisisa swikongomelo swa wena hinkwaswo.+

 5 Hi ta huwelela hi ku tsaka hikwalaho ka ku ponisa+ ka wena,

Hi ta tlakusa mijeko ya hina hi vito ra Xikwembu xa hina.+

Onge Yehovha a nga hetisisa swikombelo+ swa wena hinkwaswo.

 6 Sweswi ndza swi tiva leswaku kunene Yehovha u ponisa mutotiwa wakwe.+

U n’wi hlamula a ri ematilweni+ yakwe yo kwetsima

Hi swiendlo swo ponisa swa matimba, swa voko rakwe ra xinene.+

 7 Van’wana va vulavula malunghana ni makalichi, van’wana va vulavula malunghana ni tihanci,+

Kambe loko ku ri hina, hi ta vulavula malunghana ni vito ra Yehovha Xikwembu xa hina.+

 8 Vona volavo va tshovekile, va wa;+

Kambe loko ku ri hina, hi pfukile, leswaku hi ta vuyisiwa.+

 9 Oho Yehovha, ponisa hosi!+

U ta hi hlamula hi siku leri hi nga ta vitana ha rona.+