Yohane

9 Kuteloko a hundza a vona munhu la velekiweke a fe mahlo. 2 Kutani vadyondzisiwa vakwe va n’wi vutisa: “Rabi,+ xana i mani la dyoheke,+ i munhu loyi kumbe i vatswari+ vakwe, leswi a velekiweke a fe mahlo?” 3 Yesu a hlamula a ku: “Munhu loyi a nga dyohanga hambi ku ri vatswari vakwe, kambe swi endlekile leswaku mintirho ya Xikwembu yi vonaka ha yena.+ 4 Hi fanele ku endla mintirho ya loyi a ndzi rhumeke ka ha ri nhlikanhi;+ vusiku+ bya ta laha ku nga riki na munhu loyi a nga endlaka ntirho. 5 Loko ndza ha ri kona emisaveni, hi mina ku vonakala+ ka misava.” 6 Loko a heta ku vula swilo leswi, a tshwutela ehansi ivi a pfuva vumba hi marhi, kutani a veka vumba byakwe ematihlweni+ ya munhu yoloye, 7 kutani a ku eka yena: “Famba u ya hlamba+ exidziveni xa Silowama”+ (leri hundzuluxeriwaka ri ku ‘Xirhumiwa’). Hiloko a ya hlamba,+ a vuya se a vona.+

8 Hikokwalaho vaakelani ni lava eku sunguleni a va tolovele ku n’wi vona a ri mukomberi va ku: “I munhu loyi a a tshama ehansi a kombela, a hi swona ke?”+ 9 Van’wana va ku: “Hi yena.” Van’wana va ku: “A hi yena nikatsongo, kambe u fana na yena.” Munhu loyi a ku: “Hi mina.” 10 Hikwalaho va ku eka yena: “Kutani, xana mahlo ya wena ma pfulekise+ ku yini?” 11 A hlamula a ku: “Munhu loyi a vuriwaka Yesu u pfuve vumba, a byi tota ematihlweni ya mina kutani a ku eka mina, ‘Famba u ya hlamba eSilowama.’+ Hiloko ndzi famba ndzi ya hlamba kutani ndzi kota ku vona.” 12 Hikwalaho va ku eka yena: “U kwihi munhu wa kona?” A ku: “A ndzi tivi.”

13 Va yisa munhu loyi a a fe mahlo eka Vafarisi. 14 Swi kumeke leswaku a ku ri Savata+ esikwini leri Yesu a pfuveke vumba ha rona ivi a pfula mahlo+ ya yena. 15 Hikokwalaho, enkarhini lowu Vafarisi na vona va n’wi vutisa leswaku u swi kotise ku yini ku vona.+ A ku eka vona: “U tote vumba ematihlweni ya mina, ndzi hlamba kutani ndzi vona.” 16 Hikokwalaho van’wana va Vafarisi va ku: “Loyi a hi munhu la humaka eka Xikwembu, hikuva a nga yi hlayisi Savata.”+ Van’wana va ku: “Xana munhu la nga mudyohi a nga ma endlisa ku yini masingita+ ya muxaka wolowo?” Kutani ku va ni ku avana+ exikarhi ka vona. 17 Hikwalaho va tlhela va ku eka munhu la feke mahlo: “Xana wena u ri yini hi yena leswi a pfuleke mahlo ya wena?” Munhu loyi a ku: “I muprofeta.”+

18 Hambiswiritano, Vayuda a va nga n’wi kholwi leswaku a a fe mahlo ni leswaku u kota ku vona, ku fikela loko va vitana vatswari va munhu loyi se a kotaka ku vona. 19 Kutani va va vutisa va ku: “Xana loyi hi yena n’wana wa n’wina loyi mi nge u velekiwe a fe mahlo? Kutani, swi endlekise ku yini leswaku a vona sweswi?” 20 Vatswari vakwe va hlamula va ku: “Ha swi tiva leswaku loyi i n’wana wa hina ni leswaku u velekiwe a fe mahlo. 21 Kambe leswaku swi endlekise ku yini leswaku sweswi a vona a hi swi tivi. N’wi vutiseni. U kurile. U fanele ku tivulavulela.” 22 Vatswari vakwe va vule swilo leswi hikuva a va chava+ Vayuda, hikuva Vayuda a va twanane leswaku, loko ku ri ni munhu la pfumelaka leswaku i Kreste, u fanele ku hlongoriwa esinagogeni.+ 23 Hi yona mhaka leyi vatswari vakwe va nga te: “U kurile. Vutisani yena.”

24 Hikokwalaho va tlhela va vitana munhu loyi a a fe mahlo va ku eka yena: “Vangamisa Xikwembu;+ ha swi tiva leswaku munhu loyi i mudyohi.” 25 Kutani a hlamula a ku: “Leswaku i mudyohi a ndzi swi tivi. Lexi ndzi xi tivaka hileswaku, hambileswi a ndzi fe mahlo, sweswi ndza vona.” 26 Hikokwalaho va ku eka yena: “Xana u ku endle yini? U ma pfurise ku yini mahlo ya wena?” 27 A va hlamula a ku: “Se ndzi mi byerile, kambe a mi yingisanga. Ha yini mi lava ku tlhela mi swi twa? A mi swi lavi ku va vadyondzisiwa vakwe na n’wina, a hi swona ke?” 28 Hiloko va n’wi rhuketela va ku: “Wena u mudyondzisiwa wa munhu loyi, kambe hina hi vadyondzisiwa va Muxe. 29 Ha swi tiva leswaku Xikwembu xi vulavule na Muxe;+ kambe a hi ku tivi lomu munhu loyi a humaka+ kona.” 30 Wanuna loyi a va hlamula a ku: “Lexi i xihlamariso+ hakunene, leswi mi nga ku tiviki lomu a humaka kona, kambe u pfule mahlo ya mina. 31 Ha swi tiva leswaku Xikwembu a xi va yingisi vadyohi,+ kambe loko munhu a chava Xikwembu a tlhela a endla ku rhandza ka xona, xa n’wi yingisa.+ 32 Ku sukela khale a swi si tshama swi twakala leswaku munhu u pfule mahlo ya loyi a velekiweke a fe mahlo. 33 Loko munhu loyi a a nga humi eka Xikwembu,+ a a nga ta endla nchumu nikatsongo.” 34 Va n’wi hlamula va ku: “U velekiwe eswidyohweni+ hilaha ku heleleke, kambe wa ha dyondzisa hina?” Kutani va n’wi hlongola!+

35 Yesu a twa leswaku va n’wi hlongorile, kutani loko a n’wi kuma, a ku: “Xana wa pfumela eka N’wana+ wa munhu?” 36 Munhu yoloye a hlamula a ku: “Kutani i mani, nkulukumba, leswaku ndzi ta pfumela eka yena?” 37 Yesu a ku eka yena: “U n’wi vonile, naswona ku engetela kwalaho, hi yena loyi a vulavulaka na wena.”+ 38 Kutani a ku: “Ndza pfumela eka yena, Hosi.” Hiloko a n’wi nkhinsamela.+ 39 Kutani Yesu a ku: “Ndzi te emisaveni leyi hikwalaho ka vuavanyisi+ lebyi: leswaku lava nga voniki va ta kota ku vona+ ni leswaku lava vonaka va ta fa mahlo.”+ 40 Van’wana va Vafarisi lava a va ri na yena va twa swilo leswi, kutani va ku eka yena: “Hina mahlo ya hina a ma fanga,+ a hi swona ke?” 41 Yesu a ku eka vona: “Loko a mi fe mahlo, a mi nga ta va na xidyoho. Kambe sweswi mi ri, ‘Ha vona.’+ Xidyoho+ xa n’wina xa ha ri kona.”