Tipisalema
BUKU YA VUNTLHANU
(Tipisalema 107 – 150)
107 Nkhensani Yehovha, hikuva hi lonene;+
Hikuva musa wakwe wa rirhandzu i wa hilaha ku nga riki na makumu.+
2 Lava va kutsuriweke va Yehovha a va vule sweswo,+
Lava a va kutsuleke evokweni ra xirha,+
3 Lava a va hlengeleteke va huma ematikweni,+
Ku suka evuhuma-dyambu ni le vupela-dyambu,+
Ku suka en’walungwini ni le dzongeni.+
4 Va tsendzeleke emananga,+ ekwandzasini;+
A va yi kumanga ndlela leyi yaka emutini lowu va nga ta tshama eka wona.+
6 Va hambeta va huwelela eka Yehovha emaxangwini ya vona;+
Hiloko a va kutsula emaxangwini lawa a va ri eka wona,+
7 A va fambisa hi ndlela yo lulama,+
Leswaku va fika emutini lowu va nga ta tshama eka wona.+
8 Vanhu a va nkhense Yehovha hikwalaho ka musa wakwe wa rirhandzu+
Ni mintirho yakwe yo hlamarisa eka vana va vanhu.+
9 Hikuva u enerise moya-xiviri lowu omeke;+
Ni moya-xiviri lowu nga ni ndlala u wu tate hi swilo leswinene.+
10 Ku ni lava a va tshama emunyameni ni le ndzhutini lowukulu,+
Vakhotsiwa eku xanisekeni ni le tinsimbini.+
11 Hikuva va xandzukele+ marito ya Xikwembu;+
Naswona a va xi xiximanga xitsundzuxo xa La nge Henhla-henhla.+
12 Kutani u sungule ku hlula mbilu ya vona hi ku karhateka;+
Va khunguvanyekile, naswona a nga kona loyi a a pfuna.+
13 Hiloko va sungula ku kombela Yehovha leswaku a va pfuna emaxangwini ya vona;+
Emaxangwini lawa hi ntolovelo a va poniseke eka wona.+
15 Vanhu a va nkhense Yehovha hikwalaho ka musa wakwe wa rirhandzu+
Ni mintirho yakwe yo hlamarisa eka vana va vanhu.+
17 Lava a va ri swiphukuphuku hikwalaho ka ndlela ya vona ya ku tlula nawu+
Ni hikwalaho ka swihoxo swa vona, eku heteleleni va tivangele ku xaniseka.+
18 Moya-xiviri wa vona wu nyenye swakudya swa mixaka hinkwayo,+
Naswona a va fika etinyangweni ta rifu.+
19 Kutani va sungula ku kombela Yehovha leswaku a va pfuna emaxangwini ya vona;+
Hi ntolovelo a a va ponisa emaxangwini lawa a va ri eka wona.+
21 Vanhu a va nkhense Yehovha hikwalaho ka musa wakwe wa rirhandzu+
Ni mintirho yakwe yo hlamarisa eka vana va vanhu.+
23 Lava va rhelelaka elwandle hi swikepe,+
Lava endlaka bindzu ematini yo tala,+
24 Hi vona lava voneke mintirho ya Yehovha+
Ni mintirho yakwe yo hlamarisa leyi nga evuentweni;+
25 Ndlela leyi a vulaka rito ha yona a tlhela a pfuxa mheho ya vukarhi,+
Lerova yi tlakusa magandlati ya rona.+
26 Va tlhandlukela ematilweni,
Va rhelela ehansi etshakwini.
Moya-xiviri wa vona wu tikuma wu n’oka+ hikwalaho ka khombo.
27 Va tsekatseka va dedeleka ku fana ni munhu la dakweke,+
Ni vutlhari bya vona hinkwabyo byi vonaka byi pfilunganyekile.+
28 Kutani va huwelela eka Yehovha loko va ri emaxangwini ya vona,+
Hiloko a va humesa emaxangwini lawa a va ri eka wona.+
31 Vanhu a va nkhense Yehovha hikwalaho ka musa wakwe wa rirhandzu+
Ni mintirho yakwe yo hlamarisa eka vana va vanhu.+
32 A va n’wi dzunise enhlengeletanweni ya vanhu;+
Naswona a va n’wi dzunise va ri exitshan’weni xa vavanuna lava kuleke.+
33 U hundzula milambu yi va mananga,+
Ni swihlovo swa mati swi va misava yo oma,+
34 Tiko leri nga ni mihandzu ri va tiko ra munyu,+
Hikwalaho ka vubihi bya lava va tshamaka eka rona.
35 U hundzula mananga ma va ndhawu ya tinhlanga leyi nga ni mati,+
Ni ndhawu leyi nga riki na mati yi va swihlovo swa mati.+
40 U chulula ku hlekula ehenhla ka vanhu va xiyimo xa le henhla,+
Leswaku a va tsendzelekisa emananga, laha ku nga riki na ndlela.+
41 Kambe u sirhelela xisiwana leswaku xi nga xaniseki+
A xi hundzula xi va mindyangu kukota ntlhambi.+