39 Hi nkarhi wolowo hosi ya Babilona, Merodaka-baladani n’wana wa Baladani, a rhumela mapapila ni nyiko eka Hezekiya,+ hikuva a a swi twile leswaku a a vabya kambe se u horile.+ 2 Hezekiya a va amukela hi mandla mambirhi kutani a va komba laha a vekaka kona xuma,+ silivhere, nsuku, mafurha ya balsama, mafurha man’wana ya nkoka, matlhari yakwe hinkwawo ni swilo hinkwaswo leswi a swi ri laha a hlayiselaka kona xuma. Ku hava nchumu lowu Hezekiya a nga va kombangiki wona endlwini* yakwe ni le mfun’weni wakwe hinkwawo.