5 “Tlhela u ya byela Hezekiya murhangeri wa vanhu va mina u ku, ‘Yehovha Xikwembu xa Davhida kokwa wa wena u ri: “Xikhongelo xa wena ndzi xi twile. Ndzi yi vonile ni mihloti ya wena.+ Kutani ndza ku hanyisa.+ U ta ya endlwini ya Yehovha hi siku ra vunharhu.+

12 Hi nkarhi wolowo hosi ya Babilona, Berodaka-baladani n’wana wa Baladani, a rhumela mapapila ni nyiko eka Hezekiya, hikuva a a swi twile leswaku Hezekiya a a vabya.+ 13 Hezekiya a va amukela kutani a va komba laha a vekaka kona xuma,+ silivhere, nsuku, mafurha ya balsama, mafurha man’wana ya nkoka, matlhari yakwe ni swilo hinkwaswo leswi a swi ri laha a hlayiselaka kona xuma. Ku hava nchumu lowu Hezekiya a nga va kombangiki wona endlwini* yakwe ni le mfun’weni wakwe hinkwawo.