21 Loko ndhawu leyi Yehovha Xikwembu xa wena a nga ta yi hlawula leswaku vito rakwe ri dzunisiwa eka yona+ yi ri ekule na wena, u fanele u tlhava swin’wana entlhambini wa wena wa tihomu kumbe wa tinyimpfu leswi Yehovha a ku nyikeke swona, hilaha ndzi ku leriseke hakona naswona u fanele u swi dyela laha u tshamaka kona nkarhi wun’wana ni wun’wana loko u swi naverile.

29 Onge matihlo ya wena ma nga languta yindlu leyi vusiku ni nhlikanhi, ndhawu leyi u vuleke u ku, ‘Vito ra mina ri ta tshama kona,’+ leswaku u yingisa xikhongelo lexi nandza wa wena a xi endlaka endhawini leyi.+

3 Yehovha a ku eka yena: “Ndzi xi twile xikhongelo ni xikombelo xa wena xo kombela ku kombiwa tintswalo lexi u xi endleke eka mina. Ndzi yi hlawulekisile yindlu leyi u yi akeke hi ku veka vito ra mina kwalaho hilaha ku nga heriki,+ ndzi ta yi rindza, ndzi yi hlayisa hi masiku.+